Lucas 9:20 - Nuevo Testamento Toba Maskoy

²⁰ Ka apkelelmalhneiangka lhnak mokhom Jesús ma'a, lhna aptemak: —¿Ketlhengkap na, ko la aptangkelha hetlheno ko'o m'a, he? —lhna aptemak. —Lheiap apto Cristo Eniapom Neten apkapaskama —lhna aptema Pedro apkatemmoiangka m'a.

Lucas 9:20 Iomraidhean Croise

Marcos 14:61

Koka mang nak eniatemmoikama Jesús ma'a. Apkenmalhnekhavek nak mokhom apto apiav'akha sacerdote m'a, lhna aptemak: —¿Lheiap ai'e Cristo, apketka m'a apto nak apkeliavenkaskesaiangka na mota apvesai'a enenlhet?

Marcos 8:29

—Ketlhengkap na, ¿se lha ko'o ie, he? —lhna aptemak. Ka apkatemmoiangka lhnak Pedro m'a: —Cristo lheiap —lhna aptemak.

Lucas 22:67

—¿Lheiap anlho Cristo, he? —lhna aptaiangkok. Ka apkatemmoiangka lhnak Jesús ma'a, lhna aptemak: —Ka sto la hai, heliaskamok hata ketlhengkap,

Lucas 9:19

Ka apkellatemmoiangka lhnak apkeltamesaikamok ma'a: —Moklhem'a enenlhet apketlhenkek apto lheiap Juan apkellavkeskama iemmen aniapom alhta. Po'ok na apketlhenak Elias apkeltennasemmap ania'a annenga lheiap. Napokha nhan apketlhenak apto lheiap apkeltennasemmap ania'a annenga aplhatekhangveiam —lhnak aptaiangkok ma'a.

Juan 1:41

Apkelientemongkasave lhta apmeiekha Andres apiantengvakho nhan apialheng Simon, lhta aptak apkano: —¡Nelvet'ak lhek Mesias ha'e, mo'ok nema altema koka Cristo! —lhta aptak.

Juan 1:49

Niemaskangkek nak apvalho'ok Natanael aplengai'o m'a, lhnak aptemak apkanemo: —¡Hengetlhekmoskama, lheiap apto Eniapom Neten Apketka, apto nhan apiav'akha apveske Israel! —lhna aptemak.

Juan 11:27

Lhta ntak Marta atemmongka: —Hai apveske', moi'askakmok ko'o lheiap apto Cristo Eniapom Neten apketka aplhenammakpo nak evak hata hengke'e —lhta ntak.

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

Juan 4:29

—¡Enenlhet lhek ha'e, apiavek lhek lhamakho astemakha, nok noho, Cristo kelhaha! —lhna lhta ntemak ma'a.

Juan 4:42

Netamen alhta aptangkok apkellano ngkelvana lhta m'a: —Man lhek angeliaskakmok Jesús aktakha lhkek aklheianma lheia, koka kolhvave nak mangeliaskakmok ngkanek nelleng'ak aptakha apaivoma, kolhva neliavek apto hengvongkeskama tep ma'a aplhamakho enenlhet'avok lhmankek ham —lhta aptangkok enenlhet'avok.

Juan 7:41

Koka po'ok enenlhet alhta aptak: —Cristo enenlhet anak ham. Koka po'ok alhta aptak: —Have', menieniemek na lhta m'a Cristo iokhalhma Galilea nak.

Hechos 17:3

Apkelelpeiveskasekho nhan enenlhet'avok aktemakha aklheianma vakkahak Eniapom Neten Apaivoma aktemakha nhan apketsepma Cristo, aplhatekhangveiakmo nhan. Lhnak aptemak na Pablo: —Ka enenlhet na lhta Cristo, Jesús alhta m'a —lhna aptemak.

Hechos 8:36

Apketlhengangkek nak mokhom, apkelvetangvekho lhnak akietnemakha iemmen, lhna aptemak apkanemo enenlhet nema alhakkeskama appopok Felipe: —Ka iemmen hengke'e, ¿ntase nlho helavkesek konne iemmen, he? —lhna aptemak.

Hechos 9:22

Koka Saulo nheklhek nak apkeltennaiangka ania'a aktaqmanma metka apkenmenai'a, apketlhekmoskangkek nak Jesús apto Cristo, man noka eliamok na m'a judios apkakhaiangko m'a akieto Damasco.

1 Juan 5:1

Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.