Lucas 9:19 - Nuevo Testamento Toba Maskoy

¹⁹ Ka apkellatemmoiangka lhnak apkeltamesaikamok ma'a: —Moklhem'a enenlhet apketlhenkek apto lheiap Juan apkellavkeskama iemmen aniapom alhta. Po'ok na apketlhenak Elias apkeltennasemmap ania'a annenga lheiap. Napokha nhan apketlhenak apto lheiap apkeltennasemmap ania'a annenga aplhatekhangveiam —lhnak aptaiangkok ma'a.

Lucas 9:19 Iomraidhean Croise

Marcos 6:14

Netamen aplengai'o lhnak na apiav'akha apveske Herodes ania'a aplhenammap Jesús ma'a, lhamakho aktemakha qaselha hempelapkeskama apkellanai'a m'a. Moklhem'a enenlhet nak aptaiangkok apkelpaqmeiasma: —Juan annenga apkellavkeskama iemmen na aniapom ma'a, aplhatekhangveiakmek apieseksek apkenmaskengvaiakmo m'a ka ngkanek ngkolhek apmopvana m'a —lhna aptaiangkok.

Marcos 6:15

Koka po'ok enenlhet lhna aptemak: —Have Juan ma'a, Elias apkeltennasemmap ania'a annenga m'a —lhna aptemak. —Have Elias ma'a, po'ok apkeltennasemmap ania'a kelhaha —lhna aptemak na po'ok enenlhet.

Lucas 9:18

Lhema knem na ntemak apkenmalhnongkomo Jesús, apketlhelhma'ak noka apkeltamesaikamok ma'a, ka apkelelmalhneiangka lhnak, lhna aptemak: —¿Ko la aptaiangkelha enenlhet hetlheianmo ko'o m'a, he? —lhna aptemak.

Lucas 9:20

Ka apkelelmalhneiangka lhnak mokhom Jesús ma'a, lhna aptemak: —¿Ketlhengkap na, ko la aptangkelha hetlheno ko'o m'a, he? —lhna aptemak. —Lheiap apto Cristo Eniapom Neten apkapaskama —lhna aptema Pedro apkatemmoiangka m'a.

Juan 1:21

Ka apkelelmalhnengka lhta mokhom: —¿Lheiap anlho Elias annenga, he? —lhta aptangkok. —Ma', have ko'o Elias —lhta aptak apkatemmongka Juan. —Netamen, lhta aptangkok mokhom: —¿Lheiap anlho apkeltennasemmap ania'a aplheianmo lhnak nanek eniapaksek Eniapom Neten, he? Ka apkatemmongka lhta mokhom Juan: —Have' —lhta aptak.

Juan 1:25

lhta aptangkok mokhom apkellanemo Juan: —Have nak lheiap Cristo, have nhan Elias, have nhan apkeltennaskamo ania'a apankok aplheianmo lhnak nanek eniapaksek Eniapom Neten lheiap. ¿Sok aktemo apkellavkesaiangko na mota iemmen enenlhet ke, he? —lhta aptangkok.

Juan 7:40

Moklhem'a lhta enenlhet akto apkellengai'a apkeltennaikama Jesús ma'a, lhta aptangkok: —Have na niapak ankek apto apkeltennasemmap ania'a nellailhemo nak evakha ta, ka ham, enenlhet anak —lhta aptangkok ma'a.

Juan 9:17

ka apkelelmalhnekho lhna lhta mokhom aptaqmalveiam, lhna lhta aptaiangkok apkellanemo: —¿Niehek aktakha aklheianma apvalhok lheiap enenlhet nak lhek ke, he? —lhna lhta aptaiangkok. Ka apkatemmoiangka lhna lhta m'a, lhna lhta aptemak: —Apkeltennasemmap ania'a apankek ma'a —lhna lhta aptemak.