Lucas 8:47 - Nuevo Testamento Toba Maskoy

⁴⁷ Mang nak nkomovanak nkoielhanmok ngkelvana m'a, alpelhiennomo lhnak ai'a m'a. Alteklheklhemo lhnak atapno'ok napaqtek Jesús, aklheianmo lhnak vanlha akteniai'a aktaqmalveiam ma'a. Apkellengai'ak nak aplhamakho enenlhet'avok aktaqmalveiam ma'a ngkelvana nak.

Lucas 8:47 Iomraidhean Croise

Marcos 5:33

Nkelpelhiennongkek noka ai'a ngkelvana lhnak ma'a, nkai'avek nak aktemakha akvetai'a m'a. Ka akteteskaiakmo lhnak, nkeltanentaniek nak atapno'ok nalhepop apkenmangkelha Jesús, ka altennaskamo lhnak iokhalhmek ma'a aktemakha akvetai'a m'a.

Lucas 8:46

Koka Jesús lhnak aptemak mokhom apkanemo Pedro: —Aslengangkek lhek aktepo asmopvana, ka ngkanek asmak'o nak aihoho' se lha hemangvo nak ke —lhna aptemak.

Lucas 8:48

Koka lhna aptemak Jesús apkanemo: —Lheia eietka, ntaqmelakhek aniem'o nkoi'askeiam, kotaqhekha metka aktaikama av'alhok —lhna aptemak.

Hechos 16:29

Ka apkeltemo lhna lhta ngkolhek aksantengkaso talha nav'a atsaskeskama la lhma m'a, apkakhetaiangka lhna lhta nhan aptalhnema konne pa'at. Apvet'o Pablo kakpota nhan Silas, apkeltanentamo lhna lhta aptapno'ok napaqtave ma'a, apkelpelhiennongkek na lhta m'a aniem'o apkai'a m'a.

1 Corintios 2:3

Asketlhekmoske lhta napaqtavek ketlhengkap nalhepek evalhok kanhan ai'o enneniek anvapsongkesek asmakmekama.

2 Corintios 7:15

Nketlheianvakhek na apvalhok Tito akieplomo apkellamelaiam ketlhengkap neksa aptaikama lhta amaika'a ham, avanhek na lhta nhan apkellai'o m'a, apkelleliehekho lhna lhta nhan.

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

Hebreos 12:28

Ennengko'o nhan netlhevaiangkok nema aktema nak Aveske mangkomovana nak ngkomaskengvomok ka ngkanek ntasek antangkok gracias Eniapom Neten, angellasennama nhan akieplomo nellai'o kakpota nkopaihekhak apvalhok ma'a,