Lucas 8:42 - Nuevo Testamento Toba Maskoy

⁴² ngkanek vanlha lhnak lhemapak apketka mmahai'ak nak nkotsepok ma'a, 12 iantelhkapa ankok nak. Apmeiekhek nak Jesús ma'a kakpota nhan Jairo, apkelieplekhek nak na apentalhnema enenlhet'avok ma'a, apkeliepetkaseiakmek nak Jesús.

Lucas 8:42 Iomraidhean Croise

Marcos 5:24

Ka apieplekho lhnak Jesús ma'a, apkelieplekhek nak na enenlhet'avok, nnengkek nak akiaqhapeiangko Jesús ma'a.

Lucas 7:12

Ka apkellanketkeskaiakmo lhnak akieto nentalhnemakha atong apiav'akha temma, apkelvetai'o lhnak apkelletsoma apkenmahai'a elkatonnek lhema apketkok apketsepma' m'a. Lhentampe lhnak atka m'a, vanlha lhnak lhema phapak, aplhaniek nak enenlhet'avok apkelieploma m'a.

Lucas 8:41

Ka apvai'o lhnak apkemhama apmanie apkaqnekhelha judios apvesai'a Jairo. Apteteskai'o lhnak Jairo Jesús ma'a, apkelteklhekvai'o lhnak aptapno'ok napaqtek ma'a, apkapiosemmakpek nak ma'a apkeltemo lhnak emhangkok apnemakha,

Lucas 8:43

Nlomaka lhnak na apieseksek enenlhet lhema ngkelvana akmaska aiempek, 12 iantelhkapa lhna ngvaiakmok ma'a, avanhek nak akteiapma ema ankok. Nsavhommalhkek na mota patakkom ankok akianmongkeskama ponha niapom, koka mang noka nkotaqmalveiakmok ma'a.

Lucas 8:45

Apkelelmalhneiangka lhnak Jesús enenlhet'avok ma'a, lhna aptemak: —¿Selha hemangvo nak ke, he? —lhna aptemak. —¡Have ko'o! ¡ko'o nhan have! ¡have nhan ennengko'o! —lhna aptaiangkok enenlhet'avok ma'a. Koka lhna aptemak Pedro: —¡Hengetlhekmoskama, apvakha'ak enenlhet lheiap, apkeliepetkasakmek nahan! —lhna aptemak.

Romanos 5:12

Ka akvai'o lhnak nanek mongeleliehekho hengaskamakha Eniapom Neten aniem'o lhema aphapak enenlhet apvesai'a Adan. Meliehekho lhnak nanek apkaskamakha m'a Eniapom Neten. Netamen akpaihekho lhmankek ham nengetsepma nak ngkanek aplhamakho nhan enenlhet'avok meleliehekho m'a.