Lucas 8:2 - Nuevo Testamento Toba Maskoy

² Apketlhelhma'ak nak na moklhem'a ngkelvana'ak ma'a, lhennenga lhnak aktaikamok anmaska aiempeiok kakpota nhan aknaqtevaskama kasekapok av'alho'ok ngkollatsekama, Jesús noka apkeltaqmelkeskaiakmok ma'a. Ka alvesai'a lhnak hengke'e, María nema altema lhnak na Magdalena, apkelentepkeskeskamo lhnak siete kasekapok av'alho'ok ma'a.

Lucas 8:2 Iomraidhean Croise

Marcos 16:1

Niekai'ak nak aknem sabado nennekhelha m'a, María Magdalena, Salome kakpota nhan María Santiago ngken anmaiangko lhnak akmases aimes aimenek kakpota nkolelhpakhangvakha niekhe Jesús aphapak ma'a.

Marcos 16:9

Ampakhasekha nke knem semana lhna ntemak ma'a, sosekhek ankek na ntemak ma'a aplhatekhangveiakmo Jesús apieseksek apkenmaskengvaiakmo. Apvetaskesammakpo nhan amanie María Magdalena, apkelentepkeskeskamo lhnak av'alhok sekhek ankek 7 kasekapok av'alho'ok ma'a.

Lucas 23:27

Man na ntek enenlhet'avok apkelieploma Jesús ma'a apkenmahai'a elveta', man nantek nak na ngkelvana'ak akiapqalhema, alpaiheiangka lhnak na atno'ok, anmaiosak'a av'alho'ok akmak'akha ngkotnek ma'a.

Lucas 23:49

Aplhamakho lhnak apkellelto apkeliekpelkemelha Jesús ma'a kakpota nhan ngkelvana'ak alieplekha alhta allempai'o Galilea akvakho akvaktamo Jerusalen, mokhe tketsek nak apkellanekama m'a aktemakha aptevasemmap Jesús.

Lucas 23:55

Neksa apkelletsekha lhnak aphapak Jesús ma'a alieplekho lhnak na moklhem'a ngkelvana'ak, alvetangveiakmo nhan apkellaqlhengkeskaianlha metaimong alhva aphapak Jesús ma'a, ka ngkelvana'ak anak alieploiangka lhnak Jesús allempai'o Galilea.

Lucas 8:30

Ka apkenmalhneiangka lhnak Jesús ma'a, lhna aptemak: —¿Ko la akvesai'a? —Kempokhakmek ko'o asvesai'a —lhna ntemak atemmoiangka m'a ngkanek nlhanie kankek nak ma'a.

Juan 19:25

Nekha iamet aktenneskama lhta nkenmama Jesús angken, kakpota nhan nialheng akvesai'a María aptava lhtoka m'a Cleofas, kakpota nhan María Magdalena.

Hechos 1:14

Aptaiangkolha lhna mota apkaqnekho apkelelmalhnongkoma m'a kanhan moklhem'a ngkelvana'ak, kanhan ma'a Jesús angken akvesai'a María kakpota nhan apkelialheng'a m'a.