Lucas 8:16 - Nuevo Testamento Toba Maskoy

¹⁶ Lhna aptemak na mokhom Jesús ma'a: —Nengapommatkaskek hata nke' talha alhankok anak, ¿envanke i'e ampekkenek koneng nenietnemakha', nlho ka la angapkaksek ma'a, he? ¡Mma'! Neten nelhanmak ma'a kakpota nkotsaskese lhma' apkellelto apkelentalhnema konne pa'at.

Lucas 8:16 Iomraidhean Croise

Lucas 11:33

—¿Nengaleivaskek hata nkek talha alhankok envanke i'e ampekkenek koneng asota, he? Ma', neten nelhanmak ma'a kakpota nkotsaskese lhma' apkellelto apkelentalhnema la'a konne' pa'at.

Lucas 8:15

Kakpota nhan moklhem'a enenlhet ngva'ak aknemo m'a aktek lhek akpalleiam takhalhet aktaqmelakha lhepop. Apkeltakmelkasavek apkellailhemo ania'a, apkenmangkek na takha', apkelleliahakhavek nahan, nkoihek na apketlhengkeskama, ngva'ak na aktema ngkeskama akielhna —lhna aptemak Jesús ma'a.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Apocalipsis 1:20

Kolhva smak'ak alpeiveskasekhak aktemakha lhkek apvetai'a, 7 iav'a lhkek apietkesammap 7 ángeles apketlhelhma'ak amota 7 iglesias, koka 7 alhvo'ok lhek alapommatkeskama apietkesammap ma'a 7 iglesias.

Apocalipsis 11:4

Ka apkanet anak askellasennaikama apkelioho ko'o astemakha, apkellelto m'a hanet iamet olivos kanhan hanet alhvo'ok alapommatkeskama, apkelaknama mota m'a napaqtek apto Apveske lhepop lhmankek ham.