Lucas 8:14 - Nuevo Testamento Toba Maskoy

¹⁴ Moklhem'a enenlhet na ngva'ak aknemo m'a aktek lhek akpalleiam takhalhet menevke aktek aknaikamok konne lhepop. Apkellailhave niekhe' ania'a aktaqmanma, koka vanlha mota atlheianma apvalho'ok patakkom, kakpota nhan apkeleltemo ngkoitek ngkeskama qaselha apanko'ok. Akto nhan alpaiesekha mota apvalho'ok aniem'o allaneskeskama aktaqmelaikama lhma apanko'ok, ka ngkanek elvangkamangkok ania'a nak, mamma apkellanai'a qaselha aktaqmanma.

Lucas 8:14 Iomraidhean Croise

Lucas 16:13

Mongapvankek angellasennama apqanet la apveske' engankok, ngkanek angasekho, angeliehekhok na lhema aphapak, koka antaknevak ma'a po'ok, mongeliehekhek nahan. Mangapvankek angasennama Eniapom Neten kanhan aveske patakkom Mamon —lhna aptemak Jesús apketlhekmoskamo m'a.

Lucas 21:34

Ellaho ta ketlhengkap nkoliennak apvalho'ok aniem'o apkellanekamok ngkollatsekama, apienaikamok anmen kakpota nhan aleltaikama apvalho'ok, ngkanek nkoplapkesek hata akvai'a nnelha aknem alhma nkek ham takhaplhet'ok ketlhengkap. Ka kto nak nel·hanma nak, nkoplapkesek akmama qaselha nevhak.

Lucas 8:13

Moklhem'a nhan enenlhet ngva'ak aknemo m'a aktek lhek akpalleiam alhievak'akha lhepop takhalhet metaimong koka koneng ma'a. Apkellailhemo ania'a, nkelpaihakhek na apvalho'ok, kolhvavek na apkenmak takha ania'a, koka akiakvatakho nkoie'. Ka akpelapkeso akvai'a akientalhnema, apkelieniakho m'a apkelieploma Eniapom Neten, ngkanek mangkolvaiakmok konne aikapmen'ok ma'a.

Lucas 8:15

Kakpota nhan moklhem'a enenlhet ngva'ak aknemo m'a aktek lhek akpalleiam takhalhet aktaqmelakha lhepop. Apkeltakmelkasavek apkellailhemo ania'a, apkenmangkek na takha', apkelleliahakhavek nahan, nkoihek na apketlhengkeskama, ngva'ak na aktema ngkeskama akielhna —lhna aptemak Jesús ma'a.

Lucas 8:7

Mo'ok aktek na mpalveiakmok takhalhet menevke aktek aknaikamok konne lhepop. Ka aktengamo lhnak lhemek menevke m'a, nkelapekhek nak anammalhka, ka aletsepmo nhan ma'a.

1 Timoteo 6:17

Elelto ta nhan lheiap menianek ellakpok apkellelto nak nema apkelletsekama nenvanlha nak, mellanek na nkolhnangkok alel·halhnekama apvalho'ok aniem'o nkeskama apkelletsekama ngkanek nkomaskengvomok hata m'a. Koka ntasek ma'a nkolhnangkok alel·halhnekama apvalho'ok aniem'o Eniapom Neten, hengellaiangko nhan nkeskama qaselha aimommalhkelha la m'a kakpota nkoltaqmelek nellaniemhaikama m'a.

2 Timoteo 4:10

ngkanek Demas heieniakhehe', apmeiakhe lhta ma'a akieto Tesalonica apteniai'a qaselha meiaspongkomakha nak Eniapom Neten. Crescente lhtoka apmeiakhak ma'a akieto iokhalhma Galacia, Tito koka m'a iokhalhma Dalmacia,

Hebreos 6:1

Angetlhengkesek nenvanengkeskama mongeliaskeiam akvakmo akto neltokho malha neliav'o. Envanka'a nlho lhta niekhe angelieplavkesek amanie lhta nema hengetlhekmosekamok aptemakha Cristo, nkaimelhkek mota niekhe mongeltaqhengveskakhek ampai'akhasekha lhta nema hengetlhekmoskama aktemakha nelieniekha mongeliamolhma henlaqlekho lhta m'a akieto nengetsepmakha, aktemakha nhan mongiaskeiam Eniapom Neten.