Lucas 8:10 - Nuevo Testamento Toba Maskoy

¹⁰ Ka apkellatemmoiangka lhnak Jesús ma'a, lhna aptemak: —Nnek allelto eliangvomhok ketlhengkap qaselha akielhammalhka aktemakha aptema apveske Eniapom Neten, koka napokha enenlhet'avok asketlhekmoske mota asietkeskama. Apkelvet'a niekhe koka malha melvet'o aptaiangkok, apkellengai'a niekhe' koka malha melleng'o aptaiangkok.

Lucas 8:10 Iomraidhean Croise

Marcos 4:11

Ka apkellatemmoiangka lhnak Jesús, lhna aptemak: —Nnek allangko eliangvomhok ketlhengkap qaselha akielhammalhka aktemakha aptema Apveske Eniapom Neten. Koka enenlhet'avok anak melpalhakvaiam nnek akmangka nema akietkeskama.

Marcos 4:12

Kakpota ellanho niekhe koka malha melvet'o ntahak ma'a, apkellailhave niekhe, koka malha melleng'o ntahak kakpota melpengkamek apvalho'ok akieto apnakha Apveske, mangkolhek na altemeskesangkankek apkellanekamok la ngkollatsekama m'a.

Juan 12:40

«Nnengkek allapkesekhok apaqto'ok enenlhet'avok kakpota melvetie lhma, nnengkek na altemeskeskamo metka atlhenaikama apvalho'ok kakpota meliangvomhek ma'a, ka nkeniemai'ak na meliaqmongkasekho mo'ok apvalho'ok ma'a kakpota moltaqmelkeskamek neksa anmaska apiempeiok ma'a» —lhnak nane ntemak aptalheskama.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

1 Corintios 12:11

Koka lhamakho qaselha nak nenmopvanka'a aniem'o m'a vanlha lhema Espíritu, apkennaskek apmak'akha la eniangkok apieseksek ma'a meliaskeiam la'a.

Colosenses 2:2

Avanhek na asteniai'o eiempehek askeliatekhoho aplhamakho m'a askeltemo etlhengkesek apkelpasmommakpo, ellasekhakpoho kakpota nkovak akiokho nkek apkeliekpelkangveiam kanhan apkeliangveiakmo qaselha akielhammalhka nak apeneskamo lhnak nanek Eniapom Neten aplheianmo lhnak nanek eniapaksek Cristo,

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.