Lucas 7:47 - Nuevo Testamento Toba Maskoy

⁴⁷ Nietnengke songke akiavai'a asekhai'o ngkelvana nak ngkanek nnek aktemeskesangka nkek akiavai'a ngkolatsekama alanai'a. Koka enenlhet la nnek na aktemeskesangka nkek ketsek apkelanai'a la ngkolatsekama, ketsek na songkek apkasekhai'o m'a —lhna aptemak Jesús.

Lucas 7:47 Iomraidhean Croise

Lucas 7:39

Apvetai'ak nak fariseo apto apnemakha m'a, lhna ntemak apvalhok ma'a: —Kolhtema nak aptema apkeltennasemmap ania'a apanke enenlhet anak, eiekpelkok lhek alanai'a mota ngkolatsekama ngkelvana akmangvakmo nak —lhna ntemak apvalhok.

Lucas 7:46

Nkeltelhnangkek akmases aimes emanko'ok, lheiap koka mangheltelhnaskesangkok aceite engva' ankok anak epatek.

Lucas 7:48

Netamen Jesús lhnak aptemak apkanemo ngkelvana: —Nnek aktemeskesangka nkek ngkolatsekama alanai'a lheia' —lhna aptemak.

Hechos 5:31

Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

Romanos 5:20

Ka aktemakha lhnak nanek akvai'o ley Moises ma'a atlhenkeskekho apvalho'ok enenlhet meleliehekho apkellaskamakha Eniapom Neten, niaveiangkek nak nanoka meleliehekho m'a, koka neten ankek nak nanek na ntemak akiavekamok aktaqmanma apkellanei'o Eniapom Neten.

2 Corintios 5:14

Hai, avanhek ankek na hengeliephesekama angellasekhekhok ketlhengkap aniem'o Cristo m'a, ampai'o lhta nhan neliangveiakmo apketsepmo lhta lhema enenlhet apkeliaqmoiekha aplhamakho enenlhet lhmankek ham, ka nkeniemai'ak ma'a malha apkeletsepmo lhemek ma'a.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Efesios 6:24

Askeltavek na Eniapom Neten eltaqmelkeskesek akiavai'a nkek apkellaniemhaikama apkellelto nak apkellasekhai'o metka nnelha Apveske engankok Jesucristo. Amen.

Filipenses 1:9

Askenmalhnema nhan Eniapom Neten elvanengkeskesek apkellasekhammakpo apieseksek anak ketlhengkap, kakpota nhan ellangko aknema apkeliamo kakpota eliangvomhok na

1 Timoteo 1:14

Nkaqhok koka avanhe kanke lhta aktaqmanma helanei'o Apveske engankok, heiaiangko lhta nhan moi'askeiam, nengasekhai'o aniem'o m'a Cristo Jesús.

1 Juan 1:7

Koka nellava la atsak'elha lhma ennengko'o, malha aptonak Eniapom Neten apnek nhan atsak'elha lhma m'a, nentangkek nelpasmekha engankavek nenieseksa ennengko'o m'a, kanhan apketka Jesucristo ema apankok alalhnaskama engelvalho'ok malha alpaiseiam aniem'o qaselha ngkollatsekama nellanekamok.

1 Juan 3:18

Eietkak apketko'ok, mangkolatsema etnangkok mok apatno'ok apkellasekhai'o po'ok, ntasek koka elpasmok ma'a.

1 Juan 4:19

Nengellamelakmek ennengko'o Eniapom Neten ngkanek apmanie pankek hengellamelaiam ma'a.

1 Juan 5:3

Hai, nengasekhai'o Eniapom Neten aniem'o neleliehekhok hengellanemakha nak antangkok ma'a, nkelhievak'ave na ngkotnek apkanemakha apanke nak ma'a