Lucas 6:49 - Nuevo Testamento Toba Maskoy

⁴⁹ Koka apto la nhan enenlhet apkailhemo asketlhekmoskama, meliahakhok nahan, malha aptak ma'a enenlhet la apkelanai'a apnemakha takhalhet lhepop aktek metka akiennakteskama nhan. Akvo'o la nhan iemmen akiengeiam ma'a nkotiengvomok akiennaktema m'a pa'at lhek, nkoiaqnengkesek lhamakho nkek ma'a —lhna aptemak apietkeskama Jesús.

Lucas 6:49 Iomraidhean Croise

Lucas 12:47

Nema annengkasekama la'a apiavek aptemakha apekkenkasekha apaivoma apveske apankok koka meliahakho la'a, nkaksek hata ngkolhek aliaqpelhketangka apiempek ma'a.

Lucas 19:14

Netamen nak ma'a, aplhengamo. Koka apkennemolhema apankavek ma'a apkelapaskamo lhnak apkellennengkasekama kakpota eleltennaskakhak apto neten apankek apveske m'a mo'ok apkellavakha meleltemo etneskasokhak apiav'akha apveske apanko'ok ma'a.

Lucas 19:27

¡Enmeiakha m'a, eliantengvakha nhan enenlhet'avok apkellelto lhkek askellammelhmakha, meleltemo lhkek atnek apveske! ¡Eliaqtemen hata apiaspo'ok nehaqtek ko'o!" lhna aptemak apveske apkellanemo.

Lucas 6:46

Lhnak aptemak mokhom Jesús: —Ketlhengkap heleltangko mota, "¡Apveske, Apveske!" Koka aqhemo m'a, mangheleliehekhoho.

Lucas 6:48

lhema enenlhet la apkelanai'a apnemakha m'a. Emetmok sekhek ma'a akvakmo apvetangvakmo konne metaimong kakpota elanak avhok takhalhet apnemakha m'a. Netamen akvo'o la iemmen akiengeiam ma'a nkotiengvomok akiennaktema m'a pa'at lhek, koka mangkoiaqnenek ma'a aniem'o nietnek akiennakteskama avhok takhalhet metaimong ma'a.

Lucas 7:1

Apeneskangkek nak apketlhekmoskama Jesús ma'a, ka apmeiekho lhnak natemma Capernaum.

Juan 15:2

Apkeliaqtemenke mota aktengok metkelha la akielhna m'a, apkelalhnaskaskek na aktengok ngkeskama la akielhna kakpota nkoielhnangkok ma'a.

Hechos 20:29

Asiave ko'o asketsepo ta elvak hata enenlhet hengke'e apkenmahai'a enaqtevaksek Jesucristo apkennemolhema, malha aktemo nak vavo akloma.

Hechos 26:11

Askeliaqpelhketaiangke mota apiempeiok akietemelha la apkaqnekhelha, askeltemo elvatesangkok aptaikamok meliaskeiam Jesús. Asmenlhenaikama akvakho mo'ok apkellavakha ngkanek avanhe lhta apkenmopaska askellanei'o m'a.

1 Tesalonicenses 3:5

Nlhenaikama evalhok nketlhengkaske lhta mankolianmolhkek asleng'o ania'a apkellengaiangko akientalhnema ketlhengkap ham, ka nkeniemai'ak askapaskamo lhta Timoteo kakpota hesantengkesek ania'a, asmahai'a aihok ania'a aktemakha meliaskeiam ketlhengkap ham. Avanhe lhta ko askai'a hengel·hanmo ngken anak nkolpalesemma ketlhengkap ham, lhta akto la m'a, akhemo lhta ngkotnek nengetlhekmosekamok ketlhengkap ham.

2 Pedro 2:20

Lhennenga apkeliangveiakmo aptemakha Apveske engankok kanhan Hengvongkeskamo tep Jesucristo, alpaqnemekho nhan mangiamolhma, koka netamen ma'a apkellaiangko mokhom malha alpathetvekha la mokhom maniamolhma, aptaikokho mokhom na neten ankek meliamolhma, mangkolhnok ma'a sekhek anke lhta.

1 Juan 2:19

Apkakhangkek nenieseksa ennengko'o m'a apkellammelhmakha nak, koka hengelieniekhek lhta nhan ngkanek have netlhelhma'ak engankavek ma'a. Lhta kto la netlhelhma'ak engankavek ma'a, manghengelieniekhe lhta nhan ma'a, nelvetai'a koka iokhalhmek ankek have aplhamakho netlhelhma'ak ma'a.