Lucas 6:45 - Nuevo Testamento Toba Maskoy

⁴⁵ Nnavek na m'a, enenlhet la apiamolhma apkeliatakke mota aktaqmanma aniem'o nhan aktaqmanma apvalhok. Koka enenlhet meihamolhma nak, apkeliatakke mota ngkolatsekama aniem'o ngkolatsekama nhan apvalhok. Aklanei'o la apvalhok enenlhet, nkotiepok apaivoma m'a.

Lucas 6:45 Iomraidhean Croise

Hechos 5:3

Koka lhnak aptemak Pedro apkanemo Ananias ma'a: —¿Se lha ntak apkangko nak akmangka lheiap Satanas, he? ¡Apiennengkaskek Espíritu Santo lheiap, apkel·hatsosakhek na nekha patakkom akiaqmoiekha alhta lhepop apankok apiamasma!

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

Efesios 4:29

Melpaqmetama ngkollatsekama la apaivoma, ntasek koka elpaqmetama altakmanma kakpota nkoltaqmelkesek apkellangiemhaikama po'ok, nkoliangveskeskamhok nahan.

Efesios 5:19

Ennekmasamok hato ka mota salmos, nennekmaskama kakpota nhan apkellennekmasekama apvalho'ok aniem'o apieseksek ketlhengkap. Hai, ntasek eltakneskasangkok Apveske akvakho konne apvalho'ok.

Colosenses 3:16

Melieniekha nkek na ania'a aktaqmanma aniem'o Cristo, etlhekmosakpo ta apieseksek anak ketlhengkap, ennavesap nahan akieplomo apkeliangveiakmo. Etnamo ta nhan gracias Eniapom Neten, ennekmasamok hata nhan salmos, himnos kakpota nhan nennekmaskama aniem'o apvalho'ok apankave nak.

Colosenses 4:6

Elpaqmetkesap amota qaselha altaqmelo, akleklemo la nhan engvalhok kakpota nkotaqmelek apkellatemmoikama neksa apkelelmalhnekama la'a.

Hebreos 8:10

Koka alanak hata mokhom alhnankok annemo mo'ok engvalho'ok nenmak'akha ta antangkok enenlhet'avok ko Israel, apekkenek hata ley ehenkok apqatko'ok, kanhan malha asnaktalheskeskama la ley apvalho'ok. Alleltok hata heleltangkok Eniapom Neten apanko'ok, aleltangkok hata nhan askennemolhema m'a.

Judas 1:15

kakpota ellanhok aptemakha apkelanai'a aktaqmanma, ngkollatsekama aplhamakho enenlhet'avok, etlhenek apketselhnanemmap apkelelto nak apkellanekamok ngkollatsekama, apkeltaknongkongkek apvesai'a m'a», lhna ntemak akvetai'a apaqtek Enok ma'a.