Lucas 6:27 - Nuevo Testamento Toba Maskoy

²⁷ Aplhengkeskangkek nak apkeltennaikama Jesús ma'a, lhna aptemak mokhom: —Askeltavek aleltennasangkok ketlhengkap apkellelto nak apkeltaqmelkeskamo hellailhemo: Ellasekho ta apkellammelhmakha la'a, eltaqmelkaso ta nhan apkellanei'o m'a apkellelto apkeltaknongkoma nak.

Lucas 6:27 Iomraidhean Croise

Marcos 4:24

Koka lhna aptemak mokhom Jesús apkellanemo: —Eltaqmelkaso no apkellailhemo, apkellangkek hata nkek ketsek qaselha po'ok, netamen ngkolhek hata akneso nema akiaqmongkasekha ketsek qaselha m'a. Koka apkellangkek hata nkek akiavai'a qaselha apanko'ok po'ok. Netamen hata nhan ma'a ngkolhek akneso nema akiaqmongkasekha akiavai'a qaselha, tep ankek hata ngkotnek nema aikamok qaselha m'a.

Lucas 23:34

Koka lhnak aptemak Jesús: —Tata, nkotnama ta nkek ma'a ngkanek meliohok aptangkolha helanei'o —lhna aptemak. Netamen soldados apnaqtevaseiangko lhnak lhema nennaqtevaskama nenietemo kakpota esakhak lhema apto la apnaksepma nennaqtevaskama aptalhnema Jesús ma'a.

Lucas 6:22

Aktaqmelakho nkek ketlhengkap apkeltaknommap anak, nema alvannaikama kakpota nhan nema alentepkeskama apkelvesai'a ketlhengkap aniem'o apkelieplekama m'a Enenlhet Apketka nak.

Lucas 6:35

Nkaimelhkek na ketlhengkap ellasekhok apkellammelhmakha la'a, eleltaqmelkes kakpota nhan ellangkok apkeliaqmoma metka apkellailhema apkeltakheskamo qaselha apkeliaqmoikamok la'a. Netamen ngkolhek hata allangko akiavai'a nkek akianmoma m'a, etnangkok hata nhan apketkak ma'a Apto Apnema m'a netne kankoie. Apkeltaqmelkeskamo nhan apkellangiemhaikama apkellelto nak metnaikamok gracias ma'a kanhan apkellanekamo qaselha ngkollatsekama.

Lucas 8:15

Kakpota nhan moklhem'a enenlhet ngva'ak aknemo m'a aktek lhek akpalleiam takhalhet aktaqmelakha lhepop. Apkeltakmelkasavek apkellailhemo ania'a, apkenmangkek na takha', apkelleliahakhavek nahan, nkoihek na apketlhengkeskama, ngva'ak na aktema ngkeskama akielhna —lhna aptemak Jesús ma'a.

Lucas 8:18

¡Eltaqmelkaso no apkellailhemo! Akietno la qaselha lhema enenlhet, ngkolhek hata angkokho mokhom ma'a, koka metko la qaselha, ngkolhek hata aklekkasakho ketsek qaselha apankok la'a —lhna aptemak Jesús.

Lucas 8:8

Koka mo'ok aktek nak na mpalveiakmok aktaqmelakha lhepop, ntasek ankek nak aktekteiapma m'a, ngvaiakmek nak 100 aktek lhema apvathetma m'a ¡Eltaqmelkaso no apkellailhemo apaiko'ok anak! —lhna aptemak Jesús apiennakteskamo apaivoma m'a.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Hechos 16:28

Ka apvetai'o lhna lhta Pablo m'a, menieskamo lhna lhta apveneiangka m'a, lhna lhta aptemak apkanemo m'a: —¡Have, meniaqhakpo apanke lheiap, nengakhangkek ennengko'o nenlhamakho hengke'e! —lhna lhta aptemak.

Hechos 7:60

Ka apkelteklheklhemo lhnak aptapno'ok nalhepop Esteban ma'a, lhna aptemak apiennakteskamo apaivoma: —Apveske, etneskesama ta apankek lheiap henaqtevaskama hellanei'o enenlhet'avok anak —lhnak aptemak. Ka apketsepmo lhnak ma'a.

Galatas 6:10

Etnamo ta alietakho la mota ellanangkok qaselha altaqmelo aplhamakho pankek enenlhet, koka nhan tep ankek alietemo m'a apkellelto nak apkelialheng'a aknaikamok anak meliaskeiam.

1 Tesalonicenses 5:15

Mellanko nkek eliaqmongkaskesekhak po'ok apkellaneskeskama la ngkolatsekama, ntasek koka mota eteniangkok ellanangkok qaselha altaqmelo apieseksek anak ketlhengkap kakpota nhan apieseksek po'ok anak enenlhet.

3 Juan 1:11

Lheiap eialheng askasekhai'o, meieplavkesankek lheiap aptaiangkolha nak meliamolhma, ntasek koka eieplavkesek ma'a aptaiangkolha nak enenlhet apkeliamolhma nak. Enenlhet apkelan'o la qaselha aktaqmelo, koka apto apasmekha Eniapom Neten ma'a. Koka enenlhet apkelan'o la qaselha ngkolatsekama, metak Eniapom Neten.