Lucas 6:23 - Nuevo Testamento Toba Maskoy

²³ Kolpaihekha no apvalho'ok ketlhengkap ngkanek etlhevangkok hata akiavai'a akianmoma m'a neten. Lhnak nanek aptaiangkok enenlhet'avok apkelieihengka meliamolhma nak, apnaqtevaskamo lhnak nanek apkeleltennasemmap ania'a annenga.

Lucas 6:23 Iomraidhean Croise

Lucas 1:41

Apkaktemmakpek nak atka av'alhok Isabel neksa aklengai'a lhnak akpaiveskama María, aplanei'avek nak na av'alhok Espíritu Santo m'a,

Lucas 1:44

Neksa aslengai'a lhkek hepaivaskama lheia, apkaktekpek lhek eietka evalhok aniem'o apketsevaskamo.

Lucas 6:35

Nkaimelhkek na ketlhengkap ellasekhok apkellammelhmakha la'a, eleltaqmelkes kakpota nhan ellangkok apkeliaqmoma metka apkellailhema apkeltakheskamo qaselha apkeliaqmoikamok la'a. Netamen ngkolhek hata allangko akiavai'a nkek akianmoma m'a, etnangkok hata nhan apketkak ma'a Apto Apnema m'a netne kankoie. Apkeltaqmelkeskamo nhan apkellangiemhaikama apkellelto nak metnaikamok gracias ma'a kanhan apkellanekamo qaselha ngkollatsekama.

Hechos 14:10

Lhnak aptemak Pablo apkanemo apiennakteskamo apaivoma: —Etnemekha neten lheiap, elpeivesekha ta apmanko'ok —lhna aptemak Pablo. Apnelhtengangkek nak neten enenlhet nak ma'a, aplhengamo lhnak na m'a.

Hechos 3:8

Apnelhtengamavek nak neten, aplhengamo nhan ma'a, apkelentalhnemo lhnak na lhemek Eniapom Neten apnemakha. Apnelhteiangkek nak neten neksa aplhengama, apiavenkaseiangka nhan apvesai'a Eniapom Neten ma'a. Aplhamakho enenlhet'avok nak na apkelvetai'a m'a,

Hechos 5:41

Ka apkellenteiapmo lhnak nema alapaskamo napaqtave apkelientalhnakha apkelveskaie, nkelpaihekhek nak apvalho'ok ngkanek apkellengaiangkek nak akmaska aniem'o apketlheianma Apvesai'a m'a.

Romanos 5:3

Nkelpaihakhek na engelvalho'ok ngkanek ntepkaskek na nenvaskapekho neksa akvai'a la akientalhnema.

2 Corintios 12:10

Avanhek na akpaihekha evalhok neksa moiennaktema la'a, neksa aimommalhka nhan qaselhaha, nema heiaqmasekama, neksa akvai'a akientalhnema aniem'o enenlhet apkenmahai'a henaqtevaksek aniem'o nhan moi'askeiam Cristo. Neksa moiennaktema apankek la'a, malha asiennaktema pankek ntakhak ma'a.

Colosenses 1:24

Mpaihakhek ko evalhok aklengangko akmaska asiokha nak aniem'o hellasennaikama ketlhengkap, ngkanek asavhok hata aktemakha lhta aplengaiangko Cristo aniem'o nkotaqmelekha ta iglesia, ngkanek malha Cristo apiokha ntak ma'a iglesia.

2 Timoteo 2:12

Ka nengvaskapo la nhan neksa nellengaiangko akientalhnema metka nengai'a nhan, antangkok hata malha apkelveskai'e lhemek ma'a, kanhan nenlheno la mangiamo apvesai'a Cristo, elhenek hata nhan manghengiamo m'a.

Hebreos 11:26

Aklheianmo lhnak nanek na apvalhok ntasek mankopaihekhe mota apvalhok aniem'o nkeskama qaselha m'a Egipto, ennangkok koka akientalhnema aktemo lhta Cristo aplengaiangko m'a, ngkanek apiamavek nak Moises eniangkok hata akianmoma Eniapom Neten ma'a.

Hebreos 11:6

Apiaskeiam la enenlhet mankolkek apvalhok Eniapom Neten ma'a. Enenlhet apmahai'a la eteteskakhak Eniapom Neten nkaimelhkek amanie sekhe mei'askamek apnema m'a, mei'askamek na m'a ellangkok hata akianmoma apkellelto la apkelketansema mota m'a.

Santiago 1:2

Ketlhengkap elialheng'a, nkolpaihekha ta apvalho'ok neksa akvai'a la akientalhnema koka akmahai'a nkoiepkonek

1 Pedro 4:13

Kolpaihekha toka mota apvalho'ok apkelvet'o la apkellengaiangko, ka aktemo lhta nhan Cristo m'a, netamen nkolpaihekhak hata nhan apvalho'ok apkelhiakmo ta m'a akieplomo akiavai'a apientalhnemo.

Apocalipsis 2:17

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu ka aklhamakho nke nak iglesias!: "Apkellelto ta apkeliephongveiakmo allangkok hata nentoma mana nema alposkama, ka nhan metaimong aktek anmopai'a akietno aktalhesammalhka nenvesai'a alhnankok melioho' mokhom, vanlha koka enenlhet apto aplhevai'a ta apiavek hata m'a", lhta aptak Espíritu.

Apocalipsis 2:26

Apkellelto ta apkeliephongveiakmo, apketlhengkaso la nhan askellanemakha etnangkok metka nnelha, allangkok hata aptaikamok apkelientalhnemo apieseksek lhamakho apkellavakha,

Apocalipsis 2:7

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu aklhamakho nke nak iglesias!: "Apkellelto ta apkeliephongveiakmo, allangkok hata aptekamok akielhna iamet hengaikamok akiennaktema enneniek, amhamo nak ma'a iokhalhma aktaqmanma nkoie' apnemakha nak Eniapom Neten", lhta aptak.

Apocalipsis 21:7

Enenlhet apiephongveiakmo la'a, angvangkok hata lhamakho qaselha aktaqmanma, hetnek hata nhan Eniapom Neten apankok, atnek hata nhan eietka.

Apocalipsis 3:12

Apkellelto ta apkeliephongveiakmo, altemeskesangko ta malha poste apkeliennaktema nema alankeskama nak ma'a apnemakha Eniapom Neten ehenkok, elloka ta mota metka nnelha m'a. Ka poste nak atalhaksek hata nhan apvesai'a Eniapom Neten ehenkok, atalhaksek hata nhan ma'a akvesai'a apiav'akha temma apankok Eniapom Neten ehenkok. Aphalhnankok Jerusalen apvaiventa ta m'a neten apkeniem'o Eniapom Neten, atalhaksek hata nhan alhnankok asvesai'a m'a".

Apocalipsis 3:5

Apkellelto ta apkeliephongveiakmo, ngkolhek hata alentalhneskasakho apkelentalhnema apkenmopai'a apanke. Monmaskesekhek hata nhan apkelvesai'a vakkahak akiennaktema nak enneniek ankok, atlhenek hata nhan apkelvesai'a apkeliamolhma napaqtek Tata m'a kakpota nhan ángeles apanko'ok ma'a".