Lucas 6:21 - Nuevo Testamento Toba Maskoy

²¹ Aktaqmelakho nkek ketlhengkap allaqhemo mek, ngkanek eliapqanmekhak hata. Aktaqmelakho nkek ketlhengkap apkeliapqalhema nak, ngkanek ellaktemmekhak hata.

Lucas 6:21 Iomraidhean Croise

Lucas 1:53

Mek ato'ok anak apkellangkokhek qaselha aktaqmanma, mok apmeiok koka apteskasokhak ma'a nema nak apkeletsekama.

Lucas 6:20

Apkellanei'avek nak Jesús apkeltamesaikamok, lhna aptemak apkellanemo: —Aktaqmelakho nkek ketlhengkap metka Qaselha apanko'ok, ngkanek apanko'ok ma'a aptemakha nak apveske Eniapom Neten.

Lucas 6:22

Aktaqmelakho nkek ketlhengkap apkeltaknommap anak, nema alvannaikama kakpota nhan nema alentepkeskama apkelvesai'a ketlhengkap aniem'o apkelieplekama m'a Enenlhet Apketka nak.

Lucas 6:25

¡Aii, ketlhengkap laie' apkeliapqaneiakmo nak, ngkanek nkovak hata mek annapma! ¡Aii, ketlhengkap laie' apkellaktemmaikama mota, ngkanek eliapqalhek hata aniem'o aliepvamekamok!

Juan 11:35

Ka apveno lhta nhan Jesús ma'a.

Juan 4:10

Ka apkatemmoiangka lhna lhta Jesús ma'a, lhna lhta aptemak: —Mangheiekpelkak lheia', mankoihek na apmak'akha eniangkok hata lheia' Eniapom Neten. Ko lhtema nak heiekpelkema lheia', henmalhnama nlho lhkek iemmen kakpo lhkek na angvangkok iemmen aktaqmanma akmases anko ie' —lhna lhta aptemak.

Juan 6:35

Koka lhta aptak Jesús apkellano mokhom: —Ko'o asto nak pan askellaikamok aliennaktema apnenio'ok enenlhet'avok. Apto la heieplekama, mangheiaskeiam nahan, mankaqhekhek ankek hata mek kakpota meimakiek hata nhan.

1 Corintios 4:11

Ampai'o sekhe lhta akvakmo nenvanlha nak hengennapma mek, aknem hengennapma, metka nelentalhnema, avanhek na hennaqtevaskamo enenlhet'avok, metka nengaqhaiangkolha nhan.

2 Corintios 11:27

Aslengaiangkek na akientalhnema asmakmekama, asiampei'o, metka asteianma, mek heiaqhema aimommalhka astoma, aknem na heiaqhema, aslengaiangkek na apmap semange, apkaimommap astalhnema apmokhetma la'a.

2 Corintios 12:10

Avanhek na akpaihekha evalhok neksa moiennaktema la'a, neksa aimommalhka nhan qaselhaha, nema heiaqmasekama, neksa akvai'a akientalhnema aniem'o enenlhet apkenmahai'a henaqtevaksek aniem'o nhan moi'askeiam Cristo. Neksa moiennaktema apankek la'a, malha asiennaktema pankek ntakhak ma'a.

2 Corintios 6:10

Malha anmaiosak'a engelvalho'ok hengeltemeskeskamak ma'a, koka avanhek ankek alpaihekha engelvalho'ok. Lhamakho aknem nellaniemhaikama metka qaselha engankok, koka nkaqhok nelpasmongkek enenlhet'avok kakpota etlhevangkok akiavai'a malha aknema apkelletsekama la'a aniem'o ania'a aktaqmanma nelpaieskama. Malha nhan nentaiangkok enenlhet la metka apkelletsekama, koka nnaiangkek niekhe qaselha alaimommalhkelha la'a ennengko'o.

Santiago 1:12

Aktaqmelakho nkek enenlhet meliehekho la akiatekamok akiaspongkomakha apvalhok ngkolatsekama. Apvaskapo la nhan, elhkak hata akianmoma apnaksepma akiennaktema apkaniemhaikama apkelpeneskeskamo lhta apaivoma Eniapom Neten ellangkok hata m'a apkellelto la apkellasekhai'o.

Apocalipsis 21:3

Asleng'o lhta nhan nema aliatekama akiennaktema nkek aniem'o m'a neten, lhta ntak: —Ka natemma apankok Eniapom Neten ham, elloka ta lhemek enenlhet'avok ma'a, etnek hata nhan Apveske apanko'ok ma'a, etnangkok hata nhan apkennemolhema.

Apocalipsis 7:16

Mellengankek hata mokhom mek ma'a, aknem annapma kakpota nhan mahat.