Lucas 5:32 - Nuevo Testamento Toba Maskoy

³² Have ko'o asmahai'a alvenama apkelpeivomo nak, vanlha koka asmahai'a allavama m'a enenlhet apkellanekamok anak ngkollatsekama kakpota eliaqmongkasekhak mo'ok apvalho'ok —lhna aptemak Jesús.

Lucas 5:32 Iomraidhean Croise

Marcos 15:7

Apnengkek nak na lhema enenlhet nengaqlhengkasemmalhkelha m'a apvesai'a Barrabas kakpota nhan apketlhelhma'ak, apkennapmo lhnak enenlhet neksa apkelammelhammap apkennapommap ma'a.

Marcos 2:17

Aplengai'avek nak Jesús ma'a, lhna aptemak: —Metka nak anmaska apiempeiok enenlhet meniaimekpok ponha niapom, vanlha koka anmaska apiempeiok anak koka apkaimekpok ponha niapom ma'a. Asvai'ak ko'o have asmahai'a allavama malha apkelpeivomo nak, vanlha koka asmahai'a allavama m'a enenlhet'avok anak apkellanekamo mota ngkollatsekama —lhna aptemak Jesús ma'a.

Lucas 15:10

Nnavek na m'a ángeles apkellapaskama Eniapom Neten nkolpaihekhak hata apvalho'ok apiaqmongkasakho la mo'ok apvalhok lhema enenlhet apkelanai'a ngkollatsekama —lhna aptemak Jesús.

Lucas 15:7

Nnavek na m'a avanhek hata ngkotnek akpaihekha apvalhok neten anak apvet'o la lhema enenlhet apkelanai'a ngkollatsekama apiaqmongkasekha mo'ok apvalhok, aselhtek ma'a akpaihekha apvalhok apkellanei'o 99 enenlhet apkellelto apkelpeivomo metka alaimommalhka' nak apkeliaqmongkasekha mo'ok apvalho'ok ma'a —lhna aptemak Jesús.

Lucas 19:10

Apva'ak Enenlhet Apketka nak apkelketansema kanhan elvongkesek tep apkellelto nak apketlheneiam —lhna aptemak Jesús.

Lucas 24:47

Nkolhek hata aleltennasengka apvesai'a lhamakho apkellavakha halhmankek ham, hata ellempak hengke'e Jerusalen kakpota eliaqmongkasekhak na mo'ok apvalho'ok enenlhet'avok kakpota Eniapom Neten etneskesama apankek meleliehekho nak apkellaskamakha, lhna ntemak na ania'a m'a.

Lucas 5:31

Ka apkatemmoiangka lhnak Jesús ma'a, lhna aptemak: —Enenlhet la metka akmaska apiempek, meniaimekpok na ponha niapom ma'a. Koka enenlhet la akmaska apiempek apkaimekpek ponha niapom ma'a.

Lucas 5:33

Lhnak aptaiangkok apkellanemo enenlhet Jesús ma'a: —Koka apkeltamesaikamok anak Juan apkellavkeskama iemmen aniapom kakpota nhan apkeltamesaikamok anak fariseos aptaiangkelha lhna mota apkellaqhaskesammakpo apankek mek kakpota nhan melleskama elelmalhnangkok ma'a. ¿Selha ntemak apkeltamesaikamok anak lheiap metnaiangko nak na m'a, he? —lhna aptaiangkok ma'a.

Hechos 17:30

Malha metka apqatko'ok enenlhet'avok lhennenga, meliekpelkemak na Eniapom Neten, mang koka eliaqmongkaskesekhak aptaiangkolha meliamolhma m'a. Kolhva koka apkeltavek Eniapom Neten lhamakho enenlhet eliaqmongkasekhak mo'ok apvalho'ok ma'a.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 3:19

Ntase kolhva eliaqmongkasekha mo'ok apvalho'ok ketlhengkap, elpengkamok na apvalho'ok akieto m'a apnakha Apveske, netamen hata m'a ngkolhek anmaskeskaso apkeltemakha ngkollatsekama.

Hechos 3:26

Hai, Eniapom Neten alhta aplhatekhaskakmok Apketka, apkapaske lhta nhan ma'a kakpota eltaqmelkeskesek apkellaniemhaikama apmaniaie koka ketlhengkap, kakpota elvatesangkok na qaselha ngkollatsekama apkellanekamok —lhna aptemak Pedro apkellanemo enenlhet'avok ma'a.

Hechos 5:31

Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

2 Pedro 3:9

Moklhem'a ketlhengkap nketlhenkek apvalho'ok aholhek aknem ngkovomok hata apvektanlha apveske aktemakha lhta nhan apeneskamo apaivoma, have koka niekhe m'a, vanlha apkelailhek metka apekheskama aplhamakho ketlhengkap eliaqmongkasekhak mo'ok apvalho'ok, meltemo niekhe eletsepok lhema aphapak la m'a.