Lucas 5:17 - Nuevo Testamento Toba Maskoy

¹⁷ Apnengkek nak Jesús lhema pa'at apketlhekmoskamo lhnak ma'a, apkakhaiangkek nak na moklhem'a fariseos, kakpota nhan hengetlhekmoskama ley ma'a, apkeleltemo lhnak ellailhangkok aktemakha apketlhekmoskama Jesús. Apkeleniemai'ak nak apiav'akha temma Galilea, Judea, kakpota nhan Jerusalen. Ka apkeltaqmelkeskaiakmo lhnak Jesús anmaska apiempeiok aniem'o apmopvana Apveske.

Lucas 5:17 Iomraidhean Croise

Marcos 1:45

Koka apketkasekama lhnak ania'a lhamakho iokhalhma, lhna songkek na Jesús mevomek moklhem'a la iokhalhma aniem'o apkeliasekamo lhma enenlhet'avok ma'a. Metkelha temma lhnoka aplomaka mota m'a, koka apentelhek nak na enenlhet apkelioiam apnaianlha mota m'a.

Marcos 16:18

Enmok hata nha niekhe menasma, apienangko la nha niekhe aimenek hengaqhemo, mankoltemeskesama ta m'a. Eniakhesangkok hata nhan apmeio'ok takhaplhet anmaska apiempeiok, eltaqmelekhak hata m'a —lhna aptemak Jesús.

Marcos 3:22

Apkakhaiangkek nak na moklhem'a escribas ma'a apkelleniem'o Jerusalen, apkelmaleniosemmakpek nak ma'a, lhna aptaiangkok: —Amhama amanie kasekapok av'alhok akvesai'a nak Beelzebu aikamok apmopvana Jesús kakpota eniapvanak elentepkesek altemo lheme nak ma'a —lhna aptaiangkok.

Marcos 5:30

Kolhvavek nak aplengaiangko Jesús akteiapmo apmopvana, ka apengkammakpo lhnak ma'a, apkellan'o enenlhet'avok, lhna aptemak apkellanemo: —¿Se lha akmangvo'o askaqlammalhka nak ke? —lhna aptemak ma'a.

Marcos 7:1

Lhema aknem na ntemak ma'a, apkeliavei'o lhnak apnakha Jesús moklhem'a fariseos kakpota nhan escribas apkelleniem'o Jerusalen.

Lucas 15:2

Apkelvetai'ak nak fariseos ma'a kanha escribas, ka apkelmaleniosemmakpo lhnak mok apankavek ma'a, lhna aptaiangkok: —Apalhakvakme nak Jesús enenlhet anak apkellanekamok ngkollatsekama kanhan aptavokhek lheme —lhnak aptaiangkok ma'a.

Lucas 2:46

Hanetolhem'a aknem nak ngvaiakmok alvetangvekho lhnak akieto Eniapom Neten apnemakha m'a, apnaiakmo lhnak apieseksek hengetlhekmoskama henganemakha Moises. Aptaqmelkeskamavek nak apkailhekamok nema atlhekmoskama m'a, ka apkelelmalhnekho lhnak mokhom apmahai'a eihok mo'ok qaselha.

Lucas 5:21

Nkellomavek nak apvalho'ok apkellengai'o escribas kakpota nhan fariseos, nkelpaqmetekama lhnak apvalho'ok ma'a: —¡Aptevaske nak apvesai'a Eniapom Neten ha'e, vanlha niekhe Eniapom Neten apvankek etneskesama apankek meleliehekho apkellaskamakha m'a enenlhet! —lhna aptaiangkok ma'a.

Lucas 5:30

Apkakhaiangkek nak ma'a moklhem'a fariseos kakpota nhan escribas, apkeliaskamo lhnak apatno'ok apkakhangkelha Jesús apkeltamesaikamok ma'a, lhnak aptaiangkok apkellanemo: —¡Selha ntak aptavokho nak lhemek ketlhengkap apkenmaikamok anak patakkom impuesto ankok kakpota nhan enenlhet apkellanekamok anak ngkollatsekama, he! —lhnak aptaiangkok ma'a.

Lucas 6:19

Lhamakho lhnak na apkenmahai'a enmangvomok Jesús ma'a, apkeltaqmelekhek nak na aniem'o apmopvana alenteiapma Jesús ma'a.

Lucas 7:30

Koka fariseos kakpota nhan hengetlhekmoskama ley ma lhtoka eleltemok ellavkesangkok konne iemmen Juan ma'a, ma lhta nha nkonmahai'ak eleliehekhok apkanemakha etnangkok Eniapom Neten.

Lucas 8:46

Koka Jesús lhnak aptemak mokhom apkanemo Pedro: —Aslengangkek lhek aktepo asmopvana, ka ngkanek asmak'o nak aihoho' se lha hemangvo nak ke —lhna aptemak.

Juan 3:10

Ka apkatemmoiangka lhnak mokhom Jesús ma'a: —¿Ma nlho eihok lheiap, he? Tokha la niekhe hengetlhekmoskama apanko'ok Israel.

Juan 3:21

Koka apkellelto nak apkellanekamok qaselha altaqmanma, apkelteteska'ak atsai'o na lhma, apkeleltemo elvetakpok apieseksek enenlhet apkellasekhai'o lhamakho henganemakha apankok Eniapom Neten —lhta aptak Jesús.

Hechos 19:11

Apkaiangkek nak na Eniapom Neten apmopvana Pablo kakpota elanak qaselha hempelapkeskama napaqtavek enenlhet'avok ma'a.

Hechos 4:30

Elvetaskes hata apmopvana eltaqmelkeskamok anmaska apiempeiok enenlhet'avok, elanak qaselha mongenatkeskama kanhan qaselha hempelapkeskama akieplomo apvesai'a Jesús apto apokkanma apkasennaikama lheiap —lhna aptaiangkok apkelelmalhnongkomo m'a meliaskeiam.

Hechos 5:34

Koka apkenmekho lhnak neten lhema fariseo m'a apvesai'a Gamaliel akieto konne apkaqnekhelha mota apkelientalhnakha apkelveskaie. Apto lhnak na hengetlhekmoskama ley Moises ma'a, avanhek ankek nak na apkelleliehekho enenlhet'avok ma'a, apkeltemo lhnak ngkolhek alentepkaso sekhe konne iaqvatakho nema alapaskamo.