Lucas 4:35 - Nuevo Testamento Toba Maskoy

³⁵ Koka lhna aptemak Jesús apkelpalhengkaseiangka m'a: —¡Kovanma', kotiep ham enenlhet anak! —lhna aptemak. Apkelelhpokhaikama lhnak nalhepop enenlhet nak ma'a aniem'o kasekapok av'alhok, ka akteiapmo lhnak na metka aktevasekha mokhom ma'a.

Lucas 4:35 Iomraidhean Croise

Marcos 1:26

Nkelpelhiennengkeskangkek nak enenlhet akpaqnemekho kasekapok av'alhok akpaiseiam ma'a, mang nak na ngkeskamak akpaiheiangka atong ma'a.

Marcos 4:39

Netamen apkenmekho lhnak neten Jesús ma'a, apnaveskangkek nak alhkaiam iemmen kakpota nhan alvata, lhna aptemak: —¡Kolvanmekha! ¡Vanlha kotnamok! —lhna aptemak ma'a. Kolhvave kankek nak mmaskemak alhkaiam iemmen, nkelvenekhavek na lhma m'a.

Marcos 9:26

Mpaihekama lhnak atong keliaqhameio', ka aktemeskasekho lhnak mokhom apketsepaikama, akteiapmo lhnak na m'a. Malha apketsepma lhna ntemeskeskamak apketkok nak ma'a. —¡Apketsepke, apketsepke! —lhna aptaiangkok enenlhet'avok ma'a.

Lucas 11:22

Koka evak hata po'ok enenlhet neten apankek apiennaktema, etneskasekhak hata koneng ankek ma'a, el·hatsoskasekhak hata apmaikama anmoma kakpota nhan qaselha apanko'ok, etnekha apankok apanke.

Lucas 4:23

Lhna aptemak Jesús apkellanemo enenlhet'avok ma'a: —Hatelha eltehek hellana ketlhengkap aktemakha na mota apketlheianma enenlhet: "Ponha niapom, etaqmelkaskesekho apankek lheiap apiempek". Hatelha nhan etnangkok hellana ketlhengkap hengke'e: "Elana ta qaselha mongvetai'o apkavakha apanke nak, ka aptemo nak apkelanei'o m'a akieto Capernaum", hatelha etnangkok hellana.

Lucas 4:39

Ka aphalhentamo lhnak Jesús takhalhet ma'a, apiamenaiangka lhnak akmelhanma eniempek. Kolhvave ankek nak ntaqmelekhak ma'a. Ka anmekho lhnak neten, allanei'o nhan ma'a.

Lucas 4:41

Nkelpaihekama lhnak atno'ok kasekapok av'alho'ok allenteiapmo apvalho'ok moklhem'a enenlhet'avok ma'a, lhna ntaiangkok: —¡Eniapom Neten Apketka lheiap! —lhna antaiangkok ma'a. Ka apkeliamenaiangka lhnak Jesús kasekapok av'alho'ok, mang nak na eltemok nkolpaiesama apvesai'a m'a nkanek nkeliavek na songkek apto Cristo.

Lucas 8:24

Kolhvavek ankek nak apnaqlhatekhaskekha Jesús ma'a, lhna aptaiangkok: —¡Hengetlhekmoskama, nemmak'ak angelvaivangkok! —lhna aptaiangkok. Ka apkenmekho lhnak kolhvavek ankek neten Jesús ma'a, apiamenaiangka lhnak alhkaiam kakpota nhan iemmen alakhaiam ma'a, mmaskemavek nak ma'a.

Lucas 9:39

Mpelapkeskanke mota aktaiekho aniem'o kasekapok av'alhok, mpesama mota apatong, nkelpelhiennengkaskek nahan, niakmopeskek na apatong ma'a, mangkomak'a nkoieniekha mota kasekapok anak ma'a.

Lucas 9:42

Sekha apmahai'a eteteskamok nak apketkok anak apkenmangkelha' Jesús, ka aktakho mokhom aliakpelhketo lhepop kasekapok av'alhok, mang na ngkeskama alpelhiennengkeskamo. Koka Jesús apkeliaskangkek na lhma' kasekapok av'alhok akpaiseiam ma'a, aptaqmelkasekho apketkok anak, apkaikokho nhan apiapom ma'a.

Apocalipsis 12:12

¡Kopaihekha ta av'alhok neten kanhan apkellelto apkelloma m'a neten! ¡koka ketlhengkap la ie' apkelloma nak takhalhet lhepop kanhan apkelloma nak alvata! Ngkanek ngvaivantaniek aveske keliaqhameiok apkelammelhma ta ketlhengkap ham, mangkasak aknatheskama m'a ngkanek niavek na ketsek nkaimelhka aknem nkotvasalhkak hata m'a —lhta ntak nema aliatekama m'a.