Lucas 4:32 - Nuevo Testamento Toba Maskoy

³² Nkeliemaskangkek nak apvalho'ok ma'a aniem'o aktemakha akientalhnema apketlhekmoskama.

Lucas 4:32 Iomraidhean Croise

Marcos 1:22

Nkeliemaskangkek nak apvalho'ok apkellengai'a enenlhet'avok apketlhekmoskama akientalhnema, mang na nkolhnemok escribas ma'a.

Lucas 2:47

Nkeliemaskangkek nak apvalho'ok enenlhet aktaqmanma apqatek, kakpota nhan apmopvana eniatemmoma nema anmalhnekama ania'a la'a.

Lucas 4:33

Apnengkek nak na m'a enenlhet aktevaskama kasekapok av'alhok, nlho ka la nhan kasekapok av'alhok akpaiseiam konne apkaqnekhelha mota judios. Apvenekama lhnak ma'a, lhna aptemak:

Lucas 4:36

Nkeliemaskangkek nak apvalho'ok apkelvetai'o m'a, lhnak aptaiangkok: —¡Akmovana na nnak, akientalhnemo nhan mok apaivoma enenlhet anak. Avanke nak nkoiaqmaksek kasekapok av'alhok akpaiseiam! —lhna aptaiangkok ma'a.

Juan 6:63

Espíritu akto apkellaikamok aliennaktema apnenio'ok ketlhengkap, koka enhapetek anak mankolienna'ak ma'a. Ka aspaioma lhkek akto Espíritu kanhan nenganiemhaikama,

Juan 7:46

Ka apkellatemmongka lhta m'a, lhta aptangkok: —Ntasek lhek apkeltennaikama m'a, mamma enenlhet elhok ma'a —lhta aptangkok ma'a.

2 Corintios 4:2

Man na angellanengkok qaselha la nelielhaskeskamo henmankaskama nak, man na nteniangkok na neliennengkeskama la'a, mangeliaqmongkasekhak na mo'ok aktemakha ania'a aktaqmanma nak netlheianma hengellaikamo lhta nhan Eniapom Neten ma'a. Apiavek koka nhan Eniapom Neten akto netlheianma iokhalhmek, apkeliavek na enenlhet'avok ka ngkeniemai'ak manghengeliaskamek ma'a.

1 Tesalonicenses 1:5

Have vanlha mo'ok engatno'ok alhta nentangkok neksa neleltennaskama lhta ania'a aktaqmanma apieseksek ketlhengkap ham, nellan'a lhta nhan qaselha hempelapkeskama aniem'o apmopvana Eniapom Neten kakpota nhan Espíritu Santo. Ka alpekhesangka lhta ketlhengkap metka apkaimommap akto have niapak ankek ania'a nengeltennaikama ennengko'o. Hai, apkeliavek ketlhengkap vanlha lhta mota nengeleltemo nkoltaqmelek apkakhaikamok neksa nengakhengveiam alhta ham.

Tito 2:15

Hai', ka hengke'e ntase mota etlhekmoksek lheiap. ¡Eliatekhok, ennaves nahan akieplomo apientalhnemo, meniangko nhan lheiap ngkolhek aktemeskesantamo koneng!