Lucas 3:8 - Nuevo Testamento Toba Maskoy

⁸ ¡Eltaqmelkasakpo koka kakpota elvetakpok apkeliaqmongkasekha mo'ok apvalho'ok! ¡Mellakpo koka atlheianma apvalho'ok aptaikamok Abraham aptavana'ak neptamen ketlhengkap! Koka have neten ankek akiaspommalhka m'a. Eniapom Neten apvanke niekhe etneskasekhak Abraham aptavana'ak neptamen metaimong anak apkelto la'a.

Lucas 3:8 Iomraidhean Croise

Lucas 13:25

Apto apnemakha apkapakho la atong ma'a, ketlhengkap apkellelto apkelanvai'a akieto atong iokhalhma, hata eltehek hengke'e: "¡Apveske, Apveske hengelmaieskes no atong anak!", hata etnangkok ma'a. "¡Ma', moliekpelka ketlhengkap!", hata etnek apto apnemakha m'a.

Lucas 13:26

Hata etnangkok mokhom ellana ketlhengkap apto apankok pa'at: "Nentaveikokhek lhta lhemek lheiap, apketlhekmoskangke mota lheiap akieto amai kakpota nhan nellavakha", hata etnangkok ma'a.

Lucas 14:9

Netamen apto apankok ma'a etepkesek hata lheiap ma'a, enianak hata elhnakhak mokhek ketsek ma'a, nkotno aktakmelakha lhma, emangkak hata lheiap ma'a.

Lucas 19:40

Koka lhna aptemak Jesús apkatemmoiangka: —Ka apkelvanmo la enenlhet anak, metaimong hata nkolvenama m'a —lhna aptemak.

Lucas 19:9

Koka lhna aptemak Jesús apkellanemo enenlhet'avok: —Ka aknem anak ngva'ak apvongkasemmap tep enenlhet anak kakpota nhan apketkak ngkanek apto nhan aptaven neptamen apankek Abraham annenga.

Lucas 5:21

Nkellomavek nak apvalho'ok apkellengai'o escribas kakpota nhan fariseos, nkelpaqmetekama lhnak apvalho'ok ma'a: —¡Aptevaske nak apvesai'a Eniapom Neten ha'e, vanlha niekhe Eniapom Neten apvankek etneskesama apankek meleliehekho apkellaskamakha m'a enenlhet! —lhna aptaiangkok ma'a.

Juan 8:33

Ka apkellatemmongka lhta enenlhet'avok ma'a, lhta aptangkok: —Have ennengko'o nema allasennaikama nema apkelianmoma, Abraham annenga aptavana'ak neptamen ennengko'o. ¿Se lha akto aplheno nak lheiap nema hengellasennaikama nema apkelianmoma ennengko'o ie, he? —lhta aptangkok ma'a.

Juan 8:39

Koka lhta aptangkok enenlhet'avok ma'a: —¡Eniapom ennengko'o Abraham! —lhta aptangkok. Koka lhta aptak mokhom Jesús apkellano m'a: —Have, melieplomak amai Abraham ketlhengkap,

Hechos 26:20

Ka askeltennangka lhta nhan ania'a aktaqmanma amanie nkek ma'a natemma Damasco, netamen na apiav'akha temma Jerusalen kakpota nhan lhamakho aiempek iokhalhma Judea. Ka askeleltennaseiangko nhan metnangko nak judios eliaqmongkasekhak mo'ok apvalho'ok, elpengkamok na apvalho'ok ma'a akieto apnakha Eniapom Neten.

Romanos 4:16

Aptemakha lhnak nanek apeneskamo aplheianma Eniapom Neten ellangkok hata, apketlhevangkek ma'a aplhamakho aptavana'ak neptamen Abraham aniem'o la meliaskeiam, metka akianmoma. Apkellelto nak judios akietnema ley Moises kakpota nhan aplhamakho enenlhet'avok lhma nkek ham aknangko la nhan meliaskeiam malha aptemo lhnak nanek na Abraham, apto nhan malha eniapma'ak nenlhamakho nengelelto nak mongeliaskeiam.

Romanos 9:7

Apkellelto aptavana'ak neptamen Abraham, have nhan aplhamakho apkennemolhema Eniapom Neten, lhnak nanek aptemak apkanemo Eniapom Neten Abraham: «Elentepok hata aptavana'ak neptamen lheiap apkelleniem'o m'a apketka Isaak», lhna aptemak ma'a.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.