Lucas 3:22 - Nuevo Testamento Toba Maskoy

²² apvaiventamo lhnak Espíritu Santo takhaplhet ma'a. Malha konemmaktek na ntemak, aklengammalhko lhnak nema aliatekama neten, lhna ntemak heng: —Lheiap eietka askamelaiam, apaiesakhek evalhok lheiap —lhna ntemak nema aliatekama.

Lucas 3:22 Iomraidhean Croise

Marcos 1:11

Netamen apkellengai'o lhnak enenlhet'avok ma'a nema aliatekama aniemai'o neten, lhna ntemak hengke'e: —Lheiap eietka askamelaiam, apaiesekha mota evalhok —lhna ntemak ma'a nema aliatekama.

Marcos 1:9

Ntemengkek nak ma'a, ka apteiapmo lhnak Jesús natemma Nazaret akieto iokhalhma Galilea. Apvekho lhnak akieto alvata' Jordán, ka aplavkeskamo lhnak konne iemmen Juan ma'a.

Marcos 9:7

Ka akvai'o lhnak na iephopai'a peskeska ankok, apkellengai'o lhnak nema aliatekama aiseksek iephopai'a, lhna ntemak: —Ko'o eietka ham, avanhek ankek askamelaiam, ellasekho ta nhan ketlhengkap —lhna ntemak ania'a m'a.

Lucas 2:14

—¡Eleltamok apientalhnemo Eniapom Neten akieto m'a neten! ¡Elvetak hata altaqmelaikama apvalho'ok apkellelto apkellamelaiam la m'a nalhepop anak! —lhna aptaiangkok ma'a.

Lucas 4:21

lhnak aptemak ma'a: —Ngva'ak aknem anak aktakha aklheianma aktalhesammalhka nak —lhna aptemak.

Juan 1:32

Lhta aptak na Juan: —Asvet'a lhta ko'o apvaivantamo Espíritu takhaplhet ma'a, malha konemmaktek alhta aptak ma'a, apienakvo'o lhta takhaplhet ma'a.

Juan 12:28

¡Eniapom, elvetaskes enenlhet'avok anak akietnema apmopvana lheiap! —lhta aptak. Kolhvavek anke lhta nlengalhka nema aliatekama aniem'o neten, lhta ntak: —Askelvetaskeskangkek asmopvana, alvetaskesek hata mokhom —lhta ntak nema aliatekama.

Juan 5:37

Eniapom na helheianma ko'o astema asiamolhma, ketlhengkap koka mamma nkek apkellengai'a aptakha apaivoma m'a, melvetai'ak na napa'at ma'a.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Colosenses 1:13

Hai, Eniapom Neten hengel·hatsoskekhek ma'a neksa akmovana lhta ienaqtesakha lhma, hengeltemeskeskamo lhta nhan apkennemolhema m'a tekhenlhet'ok apveske apketka apkamelaiam ma'a,

1 Pedro 2:4

Elteteskakho ta Apveske apto malha metaimong akietnema aktema alhnankok. Apkeltakheskamo lhta enenlhet, koka apkeliekieskakhe lhta m'a Eniapom Neten metaimog anak ngkanek akto lhta niekhe neten ankek akiaspommalhka m'a.