Lucas 3:16 - Nuevo Testamento Toba Maskoy

¹⁶ Koka lhnak aptemak Juan apkellanemo enenlhet: —Askellavkaskek ko niekhe iemmen ketlhengkap, koka lhema enenlhet hata elhemak netamen ko'o. Neten apankek aknema apmopvana, molhnok ko'o, ngvannalhkek ko'o evalhok al·hatsoskesek alhato'ok apnakteto apmankok ma'a enenlhet anak. Hato ka etnek malha la apkellavkeskama la Espíritu Santo kakpota nhan talha ketlhengkap.

Lucas 3:16 Iomraidhean Croise

Juan 1:26

Ka apkellatemmongka lhta mokhom Juan ma'a, lhta aptak: —Askellavkaskek ko'o konne iemmen enenlhet'avok, koka apieseksek anak ketlhengkap apnek po'ok, mang koka eliekpelkak ketlhengkap mokhom.

Juan 1:27

Asva'ak ko'o niekhe emanie apmanie m'a, koka apto m'a avanhek ankek apientalhnemo, molhno ko'o, mangheietok na niekhe al·hatsoskesek alhato'ok apnakteto apmankok ma'a enenlhet anak —lhta aptak Juan.

Juan 1:33

Ma lhta ko aihamok enenlhet ma'a, koka apto lhta heiapaskama allavkesangkok konne iemmen enenlhet'avok ma'a, lhta aptak heiano: "Hata apvet'o ta lhema enenlhet apvaiventak takhaplhet Espíritu, eienakvak nahan, koka apto ta malha apkellavkesaikamok akieplomo Espíritu Santo enenlhet'avok ma'a", lhta aptak heiano m'a.

Hechos 1:5

Have niapak anke lhta m'a apkellavkesangko lhta konne iemmen enenlhet'avok Juan ma'a, koka ketsek na nkaimelhka knem ngkoitek na ketlhengkap malha aknema allavkeskama la akieplomo Espíritu Santo —lhna aptemak apkellanemo Jesús ma'a.

Hechos 10:44

Neksa apkeltennaikama lhnak Pedro m'a, akpelapkeskamo lhnak apvaiventamo Espíritu Santo takhaplhet'ok apkellelto apkellailhemo apaivoma.

Hechos 2:33

Ka apiantemakho lhta nhan neten apneso napokha akieto akiennakha apoktong, apkaiangkek na Espíritu Santo. Kolhva koka Jesús apiangkenkek tekhenlhet'ok ennengko'o m'a aptemakha lhta nhan apaivoma apeneskamo hengeleltennaskama, ka nkeniem'ak ma'a apkelleng'o lhkek, kanhan apkelvet'o lhkek qaselhaha.

1 Corintios 12:13

Nenlhaniek ennengko'o nhan nengelelto nak Jesucristo apkennemolhema, judios, griegos, nema allasennaikama nema apkelianmoma, metnangko nema apkelianmoma, nenlhaniek ma'a. Nnengkek na hengellavkeskamo konne iemmen, malha lhema koka ntaiekhak neniokha m'a aniem'o vanlha nhan lhema Espíritu, nemo nhan hengellaiangko Espíritu nak ma'a.