Lucas 3:11 - Nuevo Testamento Toba Maskoy

¹¹ Ka apkellatemmoiangka lhnak mokhom Juan, lhna aptemak: —Apietnek hata nkek apqanet apkelaqlammap ketlhengkap, eniamok hata lhema po'ok metka la apkaqlammap. Nietnek hata nkek aptekamok ketlhengkap, eniamok hata nhan po'ok metko la aptoma —lhna aptemak apkellatemmoiangka Juan ma'a.

Lucas 3:11 Iomraidhean Croise

Lucas 11:41

Nkaimelhkek ellangkok qaselha apanko'ok anak metka nak apkelletsekama kakpota nkollalhnekhak apvalho'ok ketlhengkap.

Lucas 18:22

Koka lhna aptemak Jesús apkanemo: —Lhema qaselha nkaimelhkak lheiap etnehek, etlhak lhamakho apketsekama apankok, etenia ta akianmoma patakkom kakpota ellangkongvomok patakkom metka nak apkelletsekama kakpota heieplomaha. Netamen ngkoitek hata lheiap ngkeskama apketsekama m'a neten —lhna aptemak ma'a.

Lucas 19:8

Neksa aptaveikokha lhnak ma'a, apkenmekho lhnak neten zaqueo m'a, lhna aptemak: —Apveske, eniailhono sekhe asmak'akha atnek alheianma, allangkok hata nekha atkok qaselha ehenkok metka nak apkelletsekama, asmenielhkeskamakha lhta la enenlhet, altaqhesok hata akvakmo 4 aktaiekho mokhom taiep —lhna aptemak.

Juan 13:29

lhta apkellanek elhenak Jesús enmok Judas qaselha aktaqmelaikama lhma' Pascua ankok, nlho ka la nhan ma'a ellangkok patakkom metka nak apkelletsekama, ngkanek apkeltakmelkeskama patakkom alhta m'a.

Hechos 10:2

Apiamolhma lhnak ma'a, apkai'o lhnak na Eniapom neten ma'a akvekho apkennemolhema apketkak. Apkellaiangko nha mota patakkom apankok apkelpasmomo Judios, apkenmalhnonkoma mota nhan Eniapom Neten.

Hechos 10:31

lhta aptak heiano: "Cornelio, apneng'ak lheiap apkenmalhnonkoma Eniapom Neten, apvet'ak na apkelpasmoma metka nak apkeletsekama.

Hechos 10:4

Mang nak enieskamak apkelanei'o Cornelio ángel, apkai'ak nak ma'a, ka apkenmalhneiangka lhnak ma'a, lhna aptemak: —¿Se ptenio ie Apveske? —lhna aptemak. Koka lhna aptemak mokhom ángel: —Apkailhave mota apkenmalhnonkoma Eniapom Neten lheiap, apketsevasavek na apkelpasmomo lheiap enenlhet anak metka apkeletsekama.

Efesios 4:28

Enenlhet apto apmenielhma la'a, ¡elvates! Emakmama koka akieplomo aptaqmelkasemmakpo kakpota ngkoitek patakkom apankok, epasmok na alaimelhkelha la'a enenlhet anak metka apkeletsekama.

1 Timoteo 6:17

Elelto ta nhan lheiap menianek ellakpok apkellelto nak nema apkelletsekama nenvanlha nak, mellanek na nkolhnangkok alel·halhnekama apvalho'ok aniem'o nkeskama apkelletsekama ngkanek nkomaskengvomok hata m'a. Koka ntasek ma'a nkolhnangkok alel·halhnekama apvalho'ok aniem'o Eniapom Neten, hengellaiangko nhan nkeskama qaselha aimommalhkelha la m'a kakpota nkoltaqmelek nellaniemhaikama m'a.

1 Timoteo 6:18

Elelto nhan ellanangkok qaselha altaqmelo m'a, nkeskama nhan qaselha altaqmelo, ellamok hata nhan po'ok qaselha metka apkenmasma.

Hebreos 6:10

Ngkanek Eniapom Neten apto apeivomo panke', melelvangkamek na ketlhengkap ma'a apkelpasmomo lhta, apkellasekhai'o lhta nhan apkelpokkanma nak akvakmo nenvanlha nak.

Santiago 1:27

Koka akto aktaqmelo nentaqmelkasemmalhko engankek napaqtek Eniapom Neten nentaikama mota amaika'a apkelieihekama kanhan lhentampak'a neksa alvetai'a akientalhnema, kanhan mongellankehe na hengellekhoho ngkolatsekama la enenlhet meliamolhma.

Santiago 2:14

Ketlhengkap elialheng'a, aqhemo m'a vanlha apatong anak enenlhet aplheianma akietnema mei'askeiam koka mepasmak na po'ok, aptaikama pankek mei'askeiam anak, mevongkasakpek hata nhan tep ma'a.

1 Juan 3:17

Lhema enenlhet la nema apketsekama etak enialheng aimommalhka la nema akpasmoma, man koka epasmak ma'a aniem'o anmasmo qaselha apvalhok, mankoietnak na songkek nengasekhai'o nak aniem'o Eniapom Neten.

1 Juan 4:20

Apto la enenlhet aplheianma mota apkasekhai'o Eniapom Neten, koka aptaqnevakke mota enialheng la'a, apmopvana ania'a m'a. Apto la enenlhet apvetai'a mota enialheng man koka eniasekhak ma'a, mankapvankek na eniasekhok Eniapom Neten ma'a nkanek meta'ak ma'a.