Lucas 24:46 - Nuevo Testamento Toba Maskoy

⁴⁶ lhnak aptemak: —Ka ntemak aklheianma Eniapom Neten apaivoma enietsepok hata Cristo, koka hanetolhem'a aknem hata ngkotnek apketsepma m'a, elhatekhangvomok hata mokhom, ka ntemak ania'a m'a.

Lucas 24:46 Iomraidhean Croise

Lucas 24:44

Netamen nak Jesús ma'a lhna aptemak apkellanemo mokhom: —Aktakha nak asvetammalhka ko'o, askeleltennaskangke lhta mota ketlhengkap, ntemengkek askaniemhaikama aklheianmo lhnak nanek ley Moises, apkeleltennasemmap ania'a annenga kakpota nhan vakkahak Salmo hetlheianma ko'o —lhna aptemak Jesús.

Lucas 24:7

Aplheno lhta ngkolhek hata angkongvakmo Enenlhet Apketka nak enenlhet'avok anak apkellanekamo ngkollatsekama kakpota ngkolhek na aliaqlho apmeiok apmankok neten iamet aktenneskama. Koka hanetolhem'a aknem na lhta ngkotnek apketsepma m'a, kakpota elhatekhangvomok mokhom —lhna aptaiangkok enenlhet.

Juan 20:9

Koka ma lhta eliangveiakmok aktemakha aklhenammalhko lhta mota Eniapom Neten apaivoma aktemakha aplhennammap Jesús elhatekhangvomok hata apieseksek apkenmaskengvaiakmo.

Hechos 17:3

Apkelelpeiveskasekho nhan enenlhet'avok aktemakha aklheianma vakkahak Eniapom Neten Apaivoma aktemakha nhan apketsepma Cristo, aplhatekhangveiakmo nhan. Lhnak aptemak na Pablo: —Ka enenlhet na lhta Cristo, Jesús alhta m'a —lhna aptemak.

Hechos 4:12

Vanlha koka apvankek hengelvongkesek tep ma'a ngkanek apvesai'a nak akto neten ankek ma'a, mangkolhnok po'ok enenlhet takhalhet lhepop anak —lhna aptemak Pedro apkellanemo m'a.

1 Pedro 1:3

Angeliavenkaskesama ta apvesai'a Eniapom Neten apto apiapom apveske engankok Jesucristo ngkanek apietnai'avek nengaqta'a ennengko'o m'a, hengeltemeskesekho nhan malha la nempalleiam alhnankok aniem'o nhan aplhatekhangveiam Jesucristo. Kolhva nhan nnaiangkok ennengko'o alel·halhnekama engelvalho'ok have niapak anke