Lucas 24:44 - Nuevo Testamento Toba Maskoy

⁴⁴ Netamen nak Jesús ma'a lhna aptemak apkellanemo mokhom: —Aktakha nak asvetammalhka ko'o, askeleltennaskangke lhta mota ketlhengkap, ntemengkek askaniemhaikama aklheianmo lhnak nanek ley Moises, apkeleltennasemmap ania'a annenga kakpota nhan vakkahak Salmo hetlheianma ko'o —lhna aptemak Jesús.

Lucas 24:44 Iomraidhean Croise

Marcos 9:31

Vanlha lhnak apkeltemo mota etlhekmoksek apkeltamesaikamok. Lhna aptemak apkellanemo Jesús: —Elpathetek hata enenlhet'avok ma'a Enenlhet Apketka nak, ellangkongvomok hata apkellammelhmakha kakpota nhan ematong ma'a. Koka hanetolhem'a aknem hato ka ngkotnek elhatekhangvomok ma'a —lhna aptemak apkellanemo m'a.

Lucas 21:22

Nkovak hata akientalhnema aklheianmo lhnak nanek Eniapom Neten apaivoma, hata eiaqmongkasekhak apkeltemakha meliamolhma enenlhet'avok ma'a.

Lucas 22:37

Helheianmek ko'o Eniapom Neten apaivoma ntemak hengke'e: «Nne lhta aktemeskeso malha enenlhet meihamolhma», ntemak ma'a. Haveniapak ankek ngkotnek hata kolhvave nak asiaihekama —lhna aptemak Jesús.

Lucas 24:46

lhnak aptemak: —Ka ntemak aklheianma Eniapom Neten apaivoma enietsepok hata Cristo, koka hanetolhem'a aknem hata ngkotnek apketsepma m'a, elhatekhangvomok hata mokhom, ka ntemak ania'a m'a.

Lucas 9:22

lhnak na aptemak: —Ka Enenlhet Apketka nak ennangkok hata akientalhnema aniem'o metno apketko'ok, apkelemhama apmaniaie' sacerdotes kanhan escribas. Eltaqhesok hata m'a, ellaqhek hata nhan, koka hanetolhem'a aknem hata ngkotnek apketsepma, elhatekhangvomok mokhom ma'a —lhna aptemak.

Lucas 9:44

—Eleltaqmelkasono apkellailhemo kakpota melvankamankek, ka Enenlhet Apketka nak elhkengvomok hata apkellammelhmakha nak enenlhet'avok —lhna aptemak.

Juan 3:14

Ka Enenlhet Apketka nak ma'a ngkolhek hata nhan alhno neten, apkellelto la meliaskeiam ma'a ngkoitek hata aliennaktema apnenio'ok mankotnengvaianlha nnelha. Ka aptemo lhnak na nek Moises annenga apkelhanmo neten menasma apkelanai'a tavapak iamet apkenengkeskama akieto iokhalhma metkelha temma.

Juan 5:39

Apkeltakmelkasavek niekhe apkelietsatekamok Vakkahak Eniapom Neten Apaivoma ketlhengkap, ngketlheianmek apvalho'ok elvetangvomok hata m'a aliennaktema apnenio'ok mankotnengveianlha nnelha, koka helheianme' ko'o vakkahak anak aktalhesammalhka.

Hechos 13:40

Ellaho ketlhengkap kakpota mankovhek akientalhnema apketlheianmo lhnak nanek apkeleltennasemmap ania'a, lhnak nanek aptaiangkok:

Hechos 2:27

«Nkanek manheiamasangvomek lheiap akieto m'a ngkolatsenkelha apkeletsepmakha, meniangkek hata nhan ma'a nkokpelkalhkak apiempek apto apokkanma lheiap.

Hechos 3:18

Koka apkellelientemongkeskamavek nak nanek apkeleltennaskama ania'a annenga Eniapom Neten apankok ennangkok hata akientalhnema apto apkapaskama Cristo, ntemengkek ma'a qaselha nak.

Hechos 7:37

Koka m'a Moises lhnak nanek aptemak apkellanemo Israelitas: "Eniapom Neten hata etepkesek lhema aphapak enenlhet apieseksek anak apkelialheng'a ketlhengkap kakpota etnek apkeltennaskamo ania'a apanko'ok, ka stonak ko'o", lhnak aptemak.

Hebreos 10:1

Ley anak Moises iama aktaqmanma m'a, mangkolhnok qaselha altaqmelo aplheianmo lhnak nanek Eniapom Neten hengellangkok hata. Koka ley anak ma'a akvesai'a alietkesammalhka, ka ngkanek mankavankek nkotneskesangkok apkeliamolhma apankavek apkellelto nak apkenmeiekha mota lhamakho iantelhkapa apkellangkongvekha mota kaselha apnaqtoskama apkennapekamok Eniapom Neten ma'a.

Hebreos 3:5

Moises nak na apto nema asennaikama apiamolhma, apkeltakmelkeskamo lhnak na Eniapom Neten apnemakha, apkelvetaskeskamo lhnak na lhamakho qaselha aktemakha apkelanai'a napaqtavek ma'a, nkolhok hata nhan akvai'a qaselha apmaniaie m'a apmak'akha ta etnek Eniapom Neten.

Hebreos 7:1

Koka Melquisedec nak nanek apto apiav'akha apveske akieto m'a Salem, aptemo lhnak nanek na sacerdote apkasennaikama Eniapom Neten apto apnema netne kanke nak. Apteiapmo apkellanielhaiangko lhnak Abraham kakpota emok takha m'a, apkaiangko lhnak na lhema apaivoma aktaqmanma apkeltemo nkotiepok apkaniemhaikama Abraham ngkanek apkeltemeskesekho koneng apkennapommap apkeliav'akha apkelveskaie'.

Hebreos 9:8

Kolhva koka neliangvakmek nenvanlha nak aniem'o Espíritu Santo amosek nak elentelhek aplhamakho m'a konne av'alhok akpokkenammalhka nke nak neksa apietnema mokhom akpaklhenammalhka kaselha aiempek anak.

1 Pedro 1:11

Cristo Espíritu apanko nak alientemongkeskamo lhnak nanek aleltemeskeskama elioho apkeleltennasemmap ania'a aktemakha aplengaiangko ta akientalhnema Cristo, aktemakha nhan qaselha hempelapkeskama nkovak hata netamen hata aplengaiangko m'a. Apkelienlhanmeiangkave lhnak nanek ania'a niapma'ak annenga apkenmahai'a eliohok aknem nkovak hata, kanhan aktemakha qaselha akvetammalhka ta m'a. Koka Espíritu

Apocalipsis 19:10

Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.