Lucas 24:39 - Nuevo Testamento Toba Maskoy

^39-40 have enghangok ko'o, ellanhono eskepok emeiok, emankok. Henmanvanoho, mamma akiokha enghangok la'a —lhna aptemak ma'a.

Lucas 24:39 Iomraidhean Croise

Lucas 23:46

Man nak enieskamak apveneiangka Jesús ma'a, lhna aptemak: —Tata, ema ta takha ehangok anak —lhna aptemak. Ka apketsepmo lhnak ma'a.

Lucas 24:38

Koka lhnak aptemak Jesús apkellanemo: —Menmenamok, meliaskem nahan,

Juan 20:20

Apkelvetaskaske lhta eskepok apmeiok kakpota nhan napokha apkeltamesaikamok ma'a, nkelpaihakhe lhta apvalho'ok apkelvetakho mokhom apveske m'a.

Juan 20:25

Alhaie lhtoka apvakhak ma'a, lhta aptak apkellano apkeltamesaikamok apketlhelhma'ak: —¡Nelvet'ak lhek ennengko'o apveske! —lhta aptangkok ma'a. —Ieeee, asiaskakmek apketlheno nak, koka asvet'o la eskepok apmeiok kakpota nhan napokha', asmangvakmo la m'a, netamen moi'askamek hata ko lha' —lhta aptak Tomas.

Juan 20:27

Koka lhta aptak apkano Jesús Tomas: —Elanho no emeiok kakpota nhan neheqha, emangvom no eskepok ehenkok anak, mei'askakmok heto'o astema ehalhnankok mokhom —lhta aptak.

Hechos 1:3

Apketsepmek nak Jesús ma'a koka netamen aplhatekhangveiakmo lhnak mokhom ma'a, 40 knem nak ngvaiakmok apkaniemhaikama mokhom apieseksek apkelapaskamo apanko'ok ma'a. Apkeleltennaseiangka lhna mota aktemakha aptema apveske Eniapom Neten, apkellanei'o nhan nkeskama qaselha kakpota elvetaskesangkok akto have niapak anke aplhatekhangveiakmo mokhom apieseksek apkenmaskengvaiakmo.

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

Hebreos 12:9

Nengeliahakhavek ennengko'o hengennaveso la eniapma'ak hengke'e nalhepop anak, koka ntasek angeliehekhok neten ankek hengennaveso la eniapma'ak ma'a apno m'a neten. Netamen angetlhevangkok hata m'a aliennaktema ennenio'ok mankotnengvaianlha nnelha.

1 Juan 1:1

Ka vakkahak anak nennaktalheskama aktemakha aklheianma apto nak ma'a Apaivoma hengaikamok akiennaktema enneniek, ka Apaivoma nak apnengkek tep nak nanek nemakha sekha allanei'o lhamakho qaselha lhmankek ham, nelvetai'a enganke lhta nhan ennengko'o m'a, nellengai'a lhta nhan akvakmo hengelmangvei'o lhta nhan ennengko'o m'a, have niapak ankek ma'a.