Lucas 24:19 - Nuevo Testamento Toba Maskoy

¹⁹ —¿Selha qaselha akvetammalhko m'a ie, he? —lhna aptemak Jesús. Ka apkellatemmoiangka lhnak ma'a, lhna aptaiangkok: —Ka Jesús ko Nazaret alhta, Eniapom Neten apkeltennasemmap ania'a apankok alhta m'a. Avanhe lhta akmovana apaivoma, kakpota nhan apkellanai'ak lhta qaselha mongvetai'o napaqtavek enenlhet'avok ma'a.

Lucas 24:19 Iomraidhean Croise

Marcos 1:24

—¡Aiai, manghengeliasamolhma Jesús ko Nazaret! ¿Apmak'a nlho hennaqtevaksek, he? Asiave ko'o Eniapom Neten apokkanma lheiap —lhna ntemak kasekapok av'alhok ma'a.

Lucas 24:18

Ka apkatemmoiangka lhnak apvesai'a Cleofas, lhna aptemak: —Lhamakho amaika'a apkeliave aktakha akvetammalhka m'a Jerusalen, vanlha noka meiho lheiap —lhna aptemak.

Lucas 7:16

Avanhek ankek nak apkellai'a enenlhet'avok apkelvetai'o m'a, apkeliavenkaskesaiangka nhan apvesai'a Eniapom Neten ma'a, lhna aptaiangkok: —¡Apva'ak hengke'e apkeltennasemmap ania'a neten apanke apiaspommap, Eniapom Neten apkeltave epasmok apkennemolhema! —lhnak aptaiangkok ma'a.

Juan 4:19

Mpelapkeskankek na lhta aklengai'a ngkelvana, lhna lhta ntemak: —¿Se lha ntak apioho nak astemakha ie, he? Have na niapak anke apto apkeltennasemmap ania'a lheiap.

Juan 6:14

Nkeliemaske lhta apvalho'ok enenlhet'avok apkelvet'o qaselha mongenatkeskama m'a, lhta aptangkok: —Have na niapak enenlhet anak apto apkeltennasemmap ania'a aplhenammakpo lhnak nanek lhennenga kakpota evak hengke'e —lhta aptangkok ma'a.

Juan 7:52

Ka apkellatemmongka lhta m'a, lhta aptangkok: —Lheiap anak na apto malha ko Galilea. Eltameso no apkelanei'o henganemakha Moises, mamma lhema apkeltennasemmap ania'a enieniemak ma'a Galilea —lhta aptangkok ma'a.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Hechos 2:22

Ketlhengkap israelitas, eltaqmelkaso no mokhom apkellailhemo asmak'ak altennasangkok. Apkeliavek ketlhengkap Eniapom Neten nkeniem'ak ma'a apkelvetaskeskamo nak ketlhengkap apmopvana Jesús ko Nazaret, akiavai'a nhan apkellanai'a qaselha hempelapkeskama, qaselha mongenatkeskama nhan.

Hechos 7:22

Ka aknemo lhnak atlhekmoskamo m'a lhamakho aptaiangkolha kakpota nhan aktemakha apkeliangveiakmo ko Egipto. Ngvaiakmek nak aknem aptema neten apankek apiaspommap Moises ma'a, kakpota nhan apmopvana apaivoma ka nhan apmopvana elanak qaselhaha.