Lucas 23:42 - Nuevo Testamento Toba Maskoy

⁴² Ka apkelanei'o lhnak enenlhet meihamolhma Jesús ma'a, lhna aptemak: —Jesús, koietnama ta apaqtek asvesai'a nak ko'o akvo'o ta aknem apteiakha ta apveske —lhna aptemak ma'a.

Lucas 23:42 Iomraidhean Croise

Lucas 12:8

—Apkeleltennaskek hata nkek ketlhengkap heliekpelkemelha napaqtavek enenlhet'avok, Enenlhet Apketka nak etlhenek hata nhan apkeliekpelkemelha ketlhengkap napaqtavek ángeles apanko'ok Eniapom Neten.

Lucas 18:13

Koka enenlhet apkenmama takha patakkom impuesto ankok, taiepek nak apkenmaiangkolha m'a fariseo, apkapiosemmakpavek nak aphalhentamo nhan ma'a, aptekpoiangka lhna apneniek apankek ma'a, lhna aptemak: "Eniapom Neten, eietno no neha'at mangkolatsekama ko'o askelanai'a mota", lhna aptemak apkenmalhnonkoma m'a.

Lucas 23:41

Mamma aptemengveiakmo lhma' enenlhet anak, ennengko'o koka have niapak nellanekamok ngkollatsekama, nietave ngkolhek akiaqmongkasakho neltemakha akiavai'a nellengaiangko —lhna aptemak ma'a.

Lucas 23:43

Ka apkatemmoiangka lhnak Jesús ma'a, lhna aptemak —Hai', haveniapak anke aloka ta lhemek lheiap akieto iokhalhma aktaqmanma aknem anak —lhna aptemak. Jesús.

Lucas 24:26

nkaimommalhkek na lhta Cristo ennangkoho akientalhnema amanie nema aktemeskeskama ta apientalhnemo pankek ma'a —lhnak aptemak ma'a.

Juan 1:49

Niemaskangkek nak apvalho'ok Natanael aplengai'o m'a, lhnak aptemak apkanemo: —¡Hengetlhekmoskama, lheiap apto Eniapom Neten Apketka, apto nhan apiav'akha apveske Israel! —lhna aptemak.

Juan 20:28

Lhta aptak Tomas: —¡Apveske ehenkok anak lheiap, Eniapom Neten ehenkok nahan! —lhta aptak.

Hechos 16:31

Ka apkellatemmoiangka lhna lhta ma'a Pablo kakpota nhan Silas, lhna lhta aptaiangkok: —Mei'askem koka lheiap apveske Jesús kakpota evongkasakpok tep, ka nhan apketkak apnemolhema —lhna lhta aptaiangkok ma'a.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

1 Pedro 1:11

Cristo Espíritu apanko nak alientemongkeskamo lhnak nanek aleltemeskeskama elioho apkeleltennasemmap ania'a aktemakha aplengaiangko ta akientalhnema Cristo, aktemakha nhan qaselha hempelapkeskama nkovak hata netamen hata aplengaiangko m'a. Apkelienlhanmeiangkave lhnak nanek ania'a niapma'ak annenga apkenmahai'a eliohok aknem nkovak hata, kanhan aktemakha qaselha akvetammalhka ta m'a. Koka Espíritu

1 Juan 5:1

Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.