Lucas 23:25 - Nuevo Testamento Toba Maskoy

²⁵ apaqnemekho lhnoka nhan apto apkaklhengkasemmap aniem'o apkellammelhma mota apkelveskaie, apkellaiangko nhan Jesús enenlhet'avok apkenmak'akha la etnangkok apkellanei'o.

Lucas 23:25 Iomraidhean Croise

Marcos 15:15

Ka apaqnemekho lhnak Pilato Barrabas, apkeltemo lhnoka ngkolhek aliakpelhketangka kaselha aiempek nema alanai'a Jesús ma'a, kakpota nhan ngkolhek aliaqlho apmeiok, apmankok neten iamet aktenneskama. Koka apkeltemavek nak ellamelekhok Pilato napaqtavek enenlhet'avok ma'a.

Lucas 23:2

Apkeleltennaskamo lhnak meihamolhma Jesús napaqtek Pilato m'a, lhna aptaiangkok: —Apveske, nelvet'a lhta ennengko'o enenlhet anak apkeliaseiangko lhma' enenlhet'avok kakpota melianmonkesek impuesto ankok anak Roma, kakpota nhan aplhenammakpe panke apto Cristo kanhan apiav'akha apveske —lhna aptaiangkok ma'a.

Lucas 23:24

Ka apkaiangko lhnak Pilato apkenmak'akha la etnangkok enenlhet'avok ma'a,

Lucas 23:26

Nemo lhnak akiantemekho Jesús kakpota ngkolhek aliaqlho apmeiok apmankok neten iamet aktenneskama. Ka apkelvetai'o lhnak nalhet amai lhema enenlhet apkeniekta nalhma apvesai'a Simon, ko na temma Cirene lhnak ma'a. Apkelleltemo lhnak na epatmok iamet aktenneskama m'a, ka aplhengamo Simon neptamen Jesús.

Lucas 23:5

Koka nheklhek noka apkeliatekamok apkelemhama apmaniaie m'a, lhna aptaiangkok —Hai, ietnek meihamolhma enenlhet anak, nkeliaseiangke lhma apketlhekmoskama apankok enenlhet'avok lhamakho apkellavakha ham, ka apkempai'ak ma'a Galilea kolhva koka hengke'e Judea —lhna aptaiangkok.

Juan 18:40

Koka apkelvenema lhta enenlhet'avok ma'a, lhta aptangkok: —Ma', have ham, Barrabas koka epaknemekha' —lhta aptangkok enenlhet'avok ma'a. Koka Barrabas apto lhta enenlhet apmenielhma.

Juan 19:16

Ka apkellangko lhta Pilato m'a kakpota ellaqhek neten iamet aktenneskama, apkeliantemakho lhta nhan Jesús ma'a.

Hechos 3:14

Apkeltaknongkongke lhtoka ketlhengkap apto Apokkenammap memangveiam ngkolatsekama, apeivomo nhan, apkeleltemo lhtoka ketlhengkap epaqnemekhak lhema ntekioma niapom.