Lucas 22:70 - Nuevo Testamento Toba Maskoy

⁷⁰ Koka lhna aptaiangkok apkelemhama apmaniaie m'a: —¿Lheiap anlho Eniapom Neten apketka, he? —lhna aptaiangkok. Ka apkatemmoiangka lhnak Jesús: —Ka aptangkelha nak apkelpaqmeiasma ketlhengkap —lhnak aptemak.

Lucas 22:70 Iomraidhean Croise

Marcos 14:62

Ka apkatemmoiangka lhnak Jesús ma'a: —¡Ko'o m'a! Elvetak hata ketlhengkap Enenlhet Apketka nak elhek akieto akiennakha apoktong anak Eniapom Neten apto aknema apmopvana apanke, elhiemok hata aiseksek iephopai'a neten anak —lhna aptemak Jesús.

Marcos 15:2

Netamen apkenmalhneiangka lhnak Pilato Jesús ma'a, lhna aptemak: —¿Have nlho niapak lheiap apiav'akha apveske apanko'ok judios, he? —lhna aptemak. —Aplhengkek lheiap —lhna aptemak Jesús ma'a.

Lucas 22:71

Lhnak aptaiangkok mokhom apkelpaqmetkesammakpo mok apankavek ma'a: —Kolhva nelleng'ak ennengko'o aplhenammakpo panke apto Eniapom Neten apketka enenlhet anak, meniaimekpo enenlhet apvetaiangko la'a apkelanai'a ngkolatsekama kakpota eselhnanakpok ha'e enenlhet anak —lhna aptaiangkok apkelemhama apmaniaie m'a.

Lucas 23:3

Netamen nak ma'a Pilato lhna aptemak apkelmalhneiangka Jesús: —¿Lheiap anlho apiav'akha apveske apanko'ok Judios, he? —lhna aptemak Pilato. —Ka aptakha nak lheiap —lhna aptemak Jesús apkatemmoiangka m'a.

Lucas 4:41

Nkelpaihekama lhnak atno'ok kasekapok av'alho'ok allenteiapmo apvalho'ok moklhem'a enenlhet'avok ma'a, lhna ntaiangkok: —¡Eniapom Neten Apketka lheiap! —lhna antaiangkok ma'a. Ka apkeliamenaiangka lhnak Jesús kasekapok av'alho'ok, mang nak na eltemok nkolpaiesama apvesai'a m'a nkanek nkeliavek na songkek apto Cristo.

Juan 1:34

Koka asvet'o lhta ko'o m'a, alheno nhan apto Eniapom Neten Apketka m'a —lhta aptak Juan ma'a.

Juan 1:49

Niemaskangkek nak apvalho'ok Natanael aplengai'o m'a, lhnak aptemak apkanemo: —¡Hengetlhekmoskama, lheiap apto Eniapom Neten Apketka, apto nhan apiav'akha apveske Israel! —lhna aptemak.

Juan 10:30

Ko'o kanhan Eniapom anak enlhema ennengko'o m'a —lhta aptak Jesús.

Juan 10:36

¿Se lha ntak hetlheno nak astevaskama apvesai'a Eniapom Neten aniem'o lhkek askeltammalhko nhan apketka apankek ma'a, he? Have niapak anke Eniapom apto hepokkanma, heiapaskama nhan ma'a.

Juan 18:37

Koka lhna lhta aptemak mokhom Pilato apkanemo: —Ia', tokha nak kelha apiav'akha apveske lheiap —lhna lhta aptemak. Koka lhna lhta aptemak mokhom Jesús: —Lheiap aplhenak ma'a, ko'o koka asva'ak kakpota atlhekmoksek akto have niapak, hellailhavek na enenlhet'avok aptengiaikamo mota akto have niapak anke —lhna lhta aptemak.

Juan 19:7

Koka apkellatemmoma lhta apkelemhama apmaniaie judios, lhta aptangkok: —Nietnek ennengko'o lhema ley aklheianma ntasek ematong ngkanek aplhenakpe lhta apanke apto Eniapom Neten apketka ham —lhta aptangkok.