Lucas 22:42 - Nuevo Testamento Toba Maskoy

⁴² —¡Ta! Heiekes hata akientalhnema nak akmak'o na nkovak, malha asnaqsepma ta akmaska. Koka momak'ak atnehek asmak'akha atnehek, vanlha apkelto la apmak'akha etnek lheiap —lhna aptemak.

Lucas 22:42 Iomraidhean Croise

Marcos 14:36

lhna aptemak: —¡Ta! Apvankek lheiap elanak apmak'akha la elana', askeltave niekhe heiekaksek akientalhnema ta malha asnaqsepma ta akmaska akmak'o na nkovak. Momak'ak atnehek asmak'akha atnehek, vanlha apkelto la apmak'akha la etnek lheiap —lhna aptemak Jesús ma'a.

Lucas 23:34

Koka lhnak aptemak Jesús: —Tata, nkotnama ta nkek ma'a ngkanek meliohok aptangkolha helanei'o —lhna aptemak. Netamen soldados apnaqtevaseiangko lhnak lhema nennaqtevaskama nenietemo kakpota esakhak lhema apto la apnaksepma nennaqtevaskama aptalhnema Jesús ma'a.

Juan 18:11

Koka lhta aptak Jesús apkano Pedro: —Eniaqlhengkasekha alhankok pelettav akvenaktema nak, apkeltavek Eniapom atnek lhema asnaqsepma asiama aimenek akmaska ta, askasekhavek ko'o apmak'akha etnek ma'a —lhta aptak Jesús.

Juan 4:34

Koka lhta aptak Jesús: —Askasekhai'o ko'o apto heiapaskama, apenaksek hata asmakmekama apkeltemo lhta alanak ma'a, koka malha astoma ko'o m'a.

Juan 5:30

Mongvapvankek alanak asmak'akha la alana ehenkok ehenke', Eniapom anak ma'a helhekmoskek atnek askeliekpelkemo aktemakha apkellanekamok enenlhet. Ka ngkanek atnek aktaqmelo askeliekpelkemo motaha aniem'o askeliehekho Eniapom anak ma'a, apto nhan heiapaskama.

Juan 6:38

Asvaivantanie lhta ko'o koneng anak have asmak'akha atnehek ehenkok ehenke, vanlha asma aliehekho Eniapom apto lhta heiapaskama.

Hechos 21:14

Ma lhta eniasekhak Pablo nennaveskama, lhta nentangkok nellano: —Ntase, ngkotnek hata nke apmak'akha etnek Apveske engangkok —lhta nentangkok ma'a.