Lucas 22:41 - Nuevo Testamento Toba Maskoy

⁴¹ Ka apkelieniekho lhnak tep atketsek ma'a, apkelteklhekvaiakmo lhnak aptapno'ok lhepop ma'a, lhna aptemak apkenmalhnongkomo m'a:

Lucas 22:41 Iomraidhean Croise

Marcos 14:35

Ka aplhengamo lhnak Jesús tep atketsek ma'a, apkeltanentamo lhnak aptapno'ok nalhepop kakpota nhan apteklheklhemo lhnak na napa'at lhepop ma'a. Apkenmalhneiangka lhnak Eniapom Neten apkeltemo eiekaksek akientalhnema m'a,

Lucas 18:11

Apkenmekhek nak neten fariseo, lhna aptemak apkenmalhnonkoma m'a: "Eniapom neten, avanhek astema gracias lheiap ngkanek have stonak ko'o po'ok enenlhet meliamolhma nak. Mamma asmenielhma, have nhan asto mopeivomo, mamma nhan astevaskama heliemhapma. Motnema aptemakha nak hengke'e apkenmama nak patakkom impuesto ankok.

Lucas 18:13

Koka enenlhet apkenmama takha patakkom impuesto ankok, taiepek nak apkenmaiangkolha m'a fariseo, apkapiosemmakpavek nak aphalhentamo nhan ma'a, aptekpoiangka lhna apneniek apankek ma'a, lhna aptemak: "Eniapom Neten, eietno no neha'at mangkolatsekama ko'o askelanai'a mota", lhna aptemak apkenmalhnonkoma m'a.

Hechos 20:36

Ka akvakmo lhta nnelha apkeltennaikama Pablo m'a, apkelteklheio lhta aptapno'ok nalhepop, apkenmalhno kanhan aplhamakho enenlhet'avok ma'a.

Hechos 21:5

Ka akvakmo lhta 7 aknem ma'a, nenmak'o lhta angetlhong mokhom, nelelto lhta nhan netlhelhma'ak aplhamakho meliaskeiam, apnaqteiangka'a nhan, kakpota nhan apketkak akieto iokhalhma apkellavakha nak ma'a nekha alvata. Nelelteklhengko lhta nhan entapno'ok nalhepop ma'a, nelelmalhno lhta Eniapom Neten ma'a.

Hechos 7:60

Ka apkelteklheklhemo lhnak aptapno'ok nalhepop Esteban ma'a, lhna aptemak apiennakteskamo apaivoma: —Apveske, etneskesama ta apankek lheiap henaqtevaskama hellanei'o enenlhet'avok anak —lhnak aptemak. Ka apketsepmo lhnak ma'a.

Hechos 9:40

Netamen Pedro m'a apkeltemo lhnak elentepok aplhamakho enenlhet ma'a, ka apkelteklheklhemo lhnak aptapno'ok nalhepop, apkenmalhnongkomo m'a, ka apkelanei'o lhnak atsepma m'a, lhna aptemak apkanemo: —¡Tabita, kolhnekha no neten! —lhna aptemak. Ka anmaiesekho lhnak aqto'ok ma'a akvetai'o Pedro, ka aknemo lhnak neten takhalhet aktanema.

Hebreos 5:7

Neksa apkaniemhaikama lhta Cristo hengke'e nalhepop anak apkenmalhnongkomo lhta akieplomo akiennaktema apkeleklhangvekama apkeltemo eiekakse' niekhe apketsepma. Ka aplengai'o lhta nhan Eniapom Neten ma'a aniem'o apkeliehekho mota m'a.