Lucas 22:26 - Nuevo Testamento Toba Maskoy

²⁶ Metnamo nkek ketlhengkap aptaiangkolha nak ma'a, koka apto la neten apankek apieseksek anak ketlhengkap, etnek hata koneng ankek ma'a. Apto la nhan apkemhama apmanie apieseksek anak ketlhengkap, etne toka apkellasennaikama apketlhelhma'ak anak.

Lucas 22:26 Iomraidhean Croise

Marcos 10:43

Koka ketlhengkap metnamo nkek aptaiangkelha nak ma'a. Apmak'ak hata nkek etnek apmanie panke, ntasek etnek malha aptemakha nak nema asennaikama nak nema apianmoma.

Marcos 9:35

Ka apnemo lhnak Jesús ma'a, apkeltemo lhnak na eniaqhengvatak nengaqtek apkeltamesaikamok, lhna aptemak apkellanemo: —Aktemakha nemmahai'a angvomok nentema neten apanke neniaspommalhka, nkaimelhkek antek nema hengasennaikama mota, kakpota nhan antama koneng apanke' —lhna aptemak Jesús.

Lucas 9:48

lhna aptemak: —Apto la apmama takha nematka nak hengke'e aniem'o asvesai'a, hemek na takha' ko'o. Apto la nhan hemama takha ko'o, apmek na takha m'a apto lhta heiapaskama. Enenlhet apto la metka apiaspommap apieseksek anak ketlhengkap, koka apto neten ankek apiaspommap napaqtek Eniapom Neten ma'a —lhna aptemak.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

1 Pedro 5:3

Metnamo nkek na ellanhok aptemakha nak apveske apkellaikamo nak akientalhnema nke apkenmakmekama enenlhet, elvetaskesakpo ta nhan apankavek aptaikamok apkeltakmelkasemmakpo napaqtavek ma'a.

1 Pedro 5:5

Ketlhengkap apketko'ok eleliehekho ta metno apketko'ok anak, etnamok hata nhan nalhep'avek apvalho'ok apieseksek anak ham, ka aktemo nak na aktalhesammalhka vakkahak Eniapom Neten apaivoma hengke'e: «Apkellammelhkek Eniapom Neten enenlhet'avok anak apkellammakpoho, apkeltakmelkaskaskek koka apkellangiemhaikama apkellelto nak nalhep'avek apvalho'ok».