Lucas 22:22 - Nuevo Testamento Toba Maskoy

²² Ngva'ak qaselha aklhenammalhka ngkotnek hata takhaplhet Enenlhet Apketka nak, ¡koka enenlhet laie apto apselhnanongkoma m'a! —lhnak aptemak Jesús.

Lucas 22:22 Iomraidhean Croise

Marcos 14:21

Nkovak hata aknem aktemakha aktalhesammalhka vakkahak Eniapom Neten apaivoma aktemakha aplhenammap Enenlhet Apketka nak, ¡enenlhet laie apto ta apselhnanongkoma m'a! Nkaimelhke lhta niekhe mankotek ngken enenlhet anak —lhna aptemak ma'a.

Lucas 22:23

Ka apkelpaqmetkesammakpo lhnak mok apankavek apkeltamesaikamok ma'a, lhnak aptaiangkok: —¿Se lha enenlhet apmak'o nak eselhnena Jesús ke, he? —lhna aptaiangkok ma'a.

Lucas 24:46

lhnak aptemak: —Ka ntemak aklheianma Eniapom Neten apaivoma enietsepok hata Cristo, koka hanetolhem'a aknem hata ngkotnek apketsepma m'a, elhatekhangvomok hata mokhom, ka ntemak ania'a m'a.

Juan 17:12

Neksa asnema hengke'e apieseksek anak, askenmeiavkek mota akieplomo asiennaktema lheiap alhta heiaikamok. Mamma lhema aplheneiam la'a, vanlha koka apto atka henlhenengkeskama, ka aktemo nak nema alientemongkeskamo aklhenammalhka Eniapom Neten apaivoma.

Hechos 10:42

Netamen hengellapaskamo ennengko'o angeleltennaksek ania'a Eniapom Neten aptemeskeskamo Jesús hengiekpelkemo niapom apkellelto aphalhnanko'ok kakpota nhan apkenmaskengvaiakmo.

Hechos 17:31

Eniapom Neten alhta apkeliekieskama lhema aknem kakpota eliekpelkok aktaqmanma, nlho ka la ngkollatsekama enenlhet'avok. Akietemo nkek hata etnek ma'a. Apkeliekieskamo nhan lhema enenlhet kakpota elanak ma'a, apkelvetaskeskamo lhta nhan enenlhet'avok ma'a aniem'o nhan aplhatekhaskeiam apieseksek apkenmaskengvaiakmo —lhnak aptemak Pablo.

Hechos 2:23

Koka ketlhengkap apkellangkongvaiakme lhta Jesús enenlhet'avok meliamolhma kakpota ennapok neten iamet aktenneskama m'a, apiamavek koka Eniapom Neten apmanie panke' akmak'akha ngkotnek ma'a.

1 Pedro 1:11

Cristo Espíritu apanko nak alientemongkeskamo lhnak nanek aleltemeskeskama elioho apkeleltennasemmap ania'a aktemakha aplengaiangko ta akientalhnema Cristo, aktemakha nhan qaselha hempelapkeskama nkovak hata netamen hata aplengaiangko m'a. Apkelienlhanmeiangkave lhnak nanek ania'a niapma'ak annenga apkenmahai'a eliohok aknem nkovak hata, kanhan aktemakha qaselha akvetammalhka ta m'a. Koka Espíritu

2 Pedro 2:3

Ka apketsekama ania'a nak avanhek ankek hata nha ngkotnek apteniaikamok patakkom, elvetak hata m'a aniem'o aptaikamok apkenmopvanka'a ania'a, koka nkovak hato ka nhan iokhalhmek ankek nema aliaqmongkaskesekha' apkeltemakha ngkollatsekama, lhennenga nhan nema akpeneskeskamo ngkolhek hata aliaqmongkaskesakho apkeltemakha m'a.