Lucas 22:17 - Nuevo Testamento Toba Maskoy

¹⁷ Ka apmamo lhnak nohaikok vino, aptemo lhnak na gracias Eniapom Neten ma'a, apkellaiangko lhnak na apkeltamesaikamok, lhnak aptemak apkellanemo: —Enma einamok mok atkeietsek la'a,

Lucas 22:17 Iomraidhean Croise

Marcos 14:22

Neksa aptaveikokha, apmamo lhnak Jesús pan, aptemo lhnak na gracias Eniapom Neten. Apiaptemo nhan ma'a, apkellaiangko lhnak na apkeltamesaikamok, lhna aptemak apkellanemo: —¡Enma', etavamok! Koka hengka akto asiokha —lhna aptemak.

Lucas 22:19

Ka apmamo lhnak na pan, aptemo nhan gracias Eniapom Neten, apkeliapto nhan, apkellangko apkeltamesaikamok. Lhnak aptemak: —Koka hengke'e ehepetek, allangkok hata henaqtevaksek kakpota elvongkasakpok tep ketlhengkap, kolietnekho ta mota apaqto'ok ko'o apkellanengko la'a neksa aktaqmelaikama lhma' nak ketlhengkap —lhna aptemak Jesús apkellanemo apkeltamesaikamok.

Lucas 9:16

Netamen nak ma'a apkenmamo lhnak 5 pan Jesús kakpota nhan hanet kelasma, apkammelhmo lhnak neten, aptemo nhan gracias Eniapom Neten. Apkellaiangko lhnak na apkeltamesaikamok ma'a kakpota ellaskangkok apieseksek enenlhet'avok ma'a.

Romanos 14:6

Apkellelto nak apkelpokkenkeskama lhema aknem anke kakpota eltakneskasangkok Apveske, apteniaikamok mota apkellai'o m'a. Apkellelto nak na apkeltaseiama lhma, apteniaikamok na mota apkellai'o Apveske kakpota nhan etnangkok gracias Eniapom Neten. Apkellelto nak meltaseiama lhma, apteniaikamok na m'a apkellai'akha la'a Apveske kakpota nhan etnangkok gracias Eniapom Neten ma'a.

1 Corintios 10:16

Nenienaiangkek ennengko'o mota nohaikok akieplomo vino aktaqmanma akietkesammalhka m'a ema apankok Cristo, aniem'o nhan nelpasmekha m'a. Neliapteiangkek na, nentoiangko nhan pan akietkesammalhka koka nhan apiokha m'a aniem'o nhan nelpasmekha m'a.

1 Corintios 11:23

Askeleltennaske lhta niekhe ketlhengkap ania'a heiaikamok alhta Apveske, pelhasep nak amanie knema akmahai'a ngkolhek aktevaso apveske Jesús ma'a. Apmamo lhnak pan,