Lucas 21:36 - Nuevo Testamento Toba Maskoy

³⁶ Ntasek elel·halhnama ketlhengkap, vanlha elelmalhnamo mota Eniapom Neten kakpota apvanka'ak enieniangkok aiseksek akientalhnema nak, kakpota elvakhak ma'a napaqtek Enenlhet Apketka nak —lhna aptemak Jesús apkellanemo apkeltamesaikamok.

Lucas 21:36 Iomraidhean Croise

Marcos 13:33

Askeleltennaskek ketlhengkap elelketnamok hata, elelmalhna ta nhan ngkanek meliohok aknem nkovak hata m'a.

Marcos 13:37

Ka stakha nak askellano ketlhengkap kakpota nhan aplhamakho enenlhet'avok lhmankek ham ¡Elelketna mota! —lhna aptemak.

Lucas 1:19

Ka apkatemmoiangka lhnak mokhom ángel ma'a, lhna aptemak: —¡Se lha kto hei'askakmo nak lheiap ke! Gabriel ko'o Eniapom Neten hennenkasekama, apto nhan heiapaskama kakpota altennaskatak ania'a aktaqmanma nak.

Lucas 18:1

Apketlhekmoskangkek nak Jesús apkeltamesaikamok aktemakha mota nenmalhnongkoma metka nenhalhemmalhka, lhna aptema Jesús lhema apietkeskama:

Lucas 20:35

koka apkellelto apkeliekieskama Eniapom Neten enaklhatekhangvomok hata apieseksek apkenmaskengvaiakmo kakpota enmankok ma'a neten, mankoliemhapokhek hata m'a ngkanek mmaskek apkeletsepo mokhom, malha ángeles hata etnangkokhak ma'a, Eniapom Neten apketka'ak hata etnangkokhak.

Hechos 10:2

Apiamolhma lhnak ma'a, apkai'o lhnak na Eniapom neten ma'a akvekho apkennemolhema apketkak. Apkellaiangko nha mota patakkom apankok apkelpasmomo Judios, apkenmalhnonkoma mota nhan Eniapom Neten.

1 Corintios 16:13

Elel·halhnamok hata, eliennaktes hata nhan meliaskeiam anak, etnamok hata nhan apmakmosak'a. Eteniamok hata nhan apiempeiok neksa apkellangiemhaikama,

2 Corintios 4:14

Neliavek na ennengko'o m'a apto aplhatekhaskeiam neksa apketsepma Jesús, hata nha ngkotnek ennengko'o m'a annaklhatekhangvomok hata m'a, ketlhengkap nahan, netamen angelvakhak hata nhan napaqtek ma'a.

Colosenses 4:2

Elelmalhna mota metka nnelha Eniapom Neten, elelketnama ta nhan kakpota nhan etnangkok gracias Eniapom Neten.

1 Tesalonicenses 5:17

elelmalhnamok na metka nnelha.

2 Timoteo 4:5

Koka lheiap etne ta apmopvana emankok apvalhok apvet'o la lhamakho qaselha ngkolatsekama, evaskap hata nhan neksa akvai'a akientalhnema, etne ta mota aptema evangelista lheiap, elana ta mota nhan aktaqmelo apkasennaikama Eniapom Neten.

1 Pedro 4:7

Ketsek nkaimelhkak aktemongvanlha nnelha aknem lhmankek ham, ka ngkanek ketlhengkap ntasek etnangko mota apkeltakmelkasemmakpo apankavek, elelmalhnangkok nahan metka nnelha.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

1 Juan 2:28

Ketlhengkap eietkak apketkok, etlhengkes hata apkelpasmekha Cristo kakpota apvanka'ak na elteteskamok metka apkenmangkasekama, metka altaikama nhan apvalho'ok apvaktamo ta m'a.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.

Apocalipsis 11:4

Ka apkanet anak askellasennaikama apkelioho ko'o astemakha, apkellelto m'a hanet iamet olivos kanhan hanet alhvo'ok alapommatkeskama, apkelaknama mota m'a napaqtek apto Apveske lhepop lhmankek ham.

Apocalipsis 6:17

ngva'ak akiavai'a aknem aploma m'a, mamma enenlhet evaskapok ma'a —lhta aptangkok enenlhet ma'a.

Apocalipsis 7:9

Netamen na m'a asvet'o lhta apentalhnema apanke enenlhet lhmankek ham, lhamakho aptemakha apkellavakha, aknema apkelpasmekha apketkak neptamen, natemma kanhan lhamakho aktemakha apkelpaqmeiasma. Aplhanie panke lhta enenlhet ma'a, mammopvana angelietsete lhta m'a, apkelanvakhe lhta m'a akieto naqtek aptanema apveske kanhan napaqtek Nepkesek Apketkok. Apkenmopai'a panke lhta nhan apkelentalhnema, kakpota nhan ietapa'ang apva'a apmeio'ok.

Apocalipsis 8:2

Asvet'o lhta nhan mokhom 7 ángeles apkelaknangka m'a akieto napaqtek Eniapom Neten, akno lhta nhan allangko 7 trompetas moklhem'a m'a.