Lucas 21:34 - Nuevo Testamento Toba Maskoy

^34-35 Ellaho ta ketlhengkap nkoliennak apvalho'ok aniem'o apkellanekamok ngkollatsekama, apienaikamok anmen kakpota nhan aleltaikama apvalho'ok, ngkanek nkoplapkesek hata akvai'a nnelha aknem alhma nkek ham takhaplhet'ok ketlhengkap. Ka kto nak nel·hanma nak, nkoplapkesek akmama qaselha nevhak.

Lucas 21:34 Iomraidhean Croise

Marcos 13:9

¡Ellaho ta ketlhengkap! Nkolhek hata aliantemakho apkakhangkelha apkelientalhnakha apkelveskaie, mangkolhek hata altaqmelkaso m'a. Nkolhek hata nhan altekpongka nemaknekhelha ngkanek ko askeltamesaikamok ketlhengkap. Koka etlhengkes hata hetlheianma ko'o napaqtavek ma'a,

Lucas 10:41

Ka apkatemmoiangka lhnak Jesús ma'a: —Marta, mantek aktaikama av'alhok lheia' aktemakha aknema aknemakha,

Lucas 12:40

Hata etnangkok na ketlhengkap ma'a, melvatesamok ankek apkelel·halhnekama kakpota nhan apkelpeneskamo ngkanek nkotlapkesek hata evatak Enenlhet Apketka nak —lhna aptemak Jesús.

Lucas 17:3

¡Ka ngkanek ntase mota ellahok ketlhengkap ma'a! Ka aptevasko'o la apialheng lheiap, ei'ok hata eltennasekho ta m'a. Ka apiaqmongkasakho la mo'ok apvalhok, eniasekhekho ta mokhom ma'a.

Lucas 21:8

Koka lhna aptemak Jesús apkellatemmoiangka m'a: —Aplhaniek hata enenlhet apkelvai'a, hata etnangkok hengke'e: ¡Ko'o nak Cristo! Etlhenek hata nhan akvai'a aknem aktema nnelha' alhma nkek ham. ¡Koka melieplav ankek ketlhengkap ma'a, mellanko nkek na ngkolhek aliennengkasengka!

Lucas 8:14

Moklhem'a enenlhet na ngva'ak aknemo m'a aktek lhek akpalleiam takhalhet menevke aktek aknaikamok konne lhepop. Apkellailhave niekhe' ania'a aktaqmanma, koka vanlha mota atlheianma apvalho'ok patakkom, kakpota nhan apkeleltemo ngkoitek ngkeskama qaselha apanko'ok. Akto nhan alpaiesekha mota apvalho'ok aniem'o allaneskeskama aktaqmelaikama lhma apanko'ok, ka ngkanek elvangkamangkok ania'a nak, mamma apkellanai'a qaselha aktaqmanma.

1 Corintios 5:11

Lhtoka niekhe asketlhenak ma'a melpasmekhek apkellelto nak apketlhenammakpo apankavek aptaikamok Jesucristo apkennemolhema meliamolhma nak, apkellanaktema, apkenmasmo qaselha apankok, apkeltakneskasekamok qaselha akiokha alanemmalhka, nema aliematkeskama, anmen ato'ok, apkenmenielhma, ka enenlhet'avok anak ma'a melpasem ankek aptekamok ketlhengkap.

Galatas 5:20

Neniavenkeskamo akvesai'a qaselha alanemmalhka akiokha, kakpota nhan aknema engvalhok, nentaknongkoma emmo'ok, nennapommalhka emmo'ok, nennathaikama, nenloma, nenteniaikama mota emmo'ok angammelhek, nenmopvana angelhpankesek emmo'ok.

Filipenses 4:6

Mankoltama nke mota apvalho'ok qaselha nak, eleltennes hata mota Eniapom Neten alaimelhko la qaselha apanko'ok, etnamok hata nhan gracias.

Hebreos 12:15

Elienlhanmamok hata nhan apkenmaikamok qaselha altaqmanma nke' metka akianmoma aniem'o Eniapom Neten kakpota metnangkek ma'a malha aktonak panaktema aikapmen'ok anak akmaska aktevaskama nak enenlhet, akmovana nhan nkovak ma'a.

2 Pedro 3:10

Koka nkotlapkesek hata apvekta m'a Apveske, malha ta etnek enenlhet la apmenielhma, nkotvasalhkak hata neten anak nkalhkak hata alpaklhaiam ma'a, ngkolhek hata nhan alvanlhakho qaselha aknaikamo nak neten, kakpota nhan lhamakho qaselha aknaikamo nak nalhepop.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.

Apocalipsis 3:3

¡Eiaqmongkasekha mo'ok apvalhok, kolheianvakho no apvalhok nema atlhekmoskama alhta aplhevai'a lheiap, eliehekho ta mokhom, el·halhnama ta mota! Ka metno la m'a, kotlapkesek hata avatak ham malha akto nak enenlhet la apmenielhma maniamo nak aknem evak ma'a.