Lucas 2:47 - Nuevo Testamento Toba Maskoy

⁴⁷ Nkeliemaskangkek nak apvalho'ok enenlhet aktaqmanma apqatek, kakpota nhan apmopvana eniatemmoma nema anmalhnekama ania'a la'a.

Lucas 2:47 Iomraidhean Croise

Marcos 1:22

Nkeliemaskangkek nak apvalho'ok apkellengai'a enenlhet'avok apketlhekmoskama akientalhnema, mang na nkolhnemok escribas ma'a.

Marcos 11:18

Ka apkellengai'o lhnak apkelemhama apmaniaie' sacerdotes, kakpota nhan escribas aktakha apaivoma Jesús, kolhvavek ka nkek nak apkellanekhak ania'a kakpota ellaqhek ma'a. Apkellai'ak noka ngkanek aplhaniek nak enenlhet apkellailhemo mota apketlhekmoskama akiemaskama engvalhok ma'a.

Marcos 6:2

Aknem sabado nennekhelha lhna ntemak ma'a, ka apketlhekmoskamo lhnak Jesús apkaqnekhelha judios ma'a. Mang na ntek enenlhet'avok apkellailhemo m'a, mpelapkeskankek nak apkellengai'a aktemakha apketlhekmoskama, lhna aptaiangkok: —¿Ko le lha aniem'akha lhamakho aktemakha hengetlhekmoskama nak, he? ¿Ko la ampai'akha apiangveiakmo nak ha'e? ¿Se lha nhan aikamok apmopvana elanak qaselha hempelapkeskama nak?

Lucas 2:18

Nkelpelapkeskangkek nak apkellengai'o enenlhet'avok ma'a,

Lucas 2:46

Hanetolhem'a aknem nak ngvaiakmok alvetangvekho lhnak akieto Eniapom Neten apnemakha m'a, apnaiakmo lhnak apieseksek hengetlhekmoskama henganemakha Moises. Aptaqmelkeskamavek nak apkailhekamok nema atlhekmoskama m'a, ka apkelelmalhnekho lhnak mokhom apmahai'a eihok mo'ok qaselha.

Lucas 4:22

Nkeliemaskangkek nak na apvalho'ok enenlhet ma'a, ntasek nak na apketlheianma aptemakha aktaqmanma qaselha aplheianma Jesús ma'a. Ka apkelpaqmetkesammakpo lhnak mok apankavek ma'a, lhna aptaiangkok: —¿Have nlho José apketka ham, he? —lhna aptaiangkok ma'a.

Lucas 4:32

Nkeliemaskangkek nak apvalho'ok ma'a aniem'o aktemakha akientalhnema apketlhekmoskama.

Juan 7:15

Nkelpelapkaske lhta apkelleng'o apkelemhama apmaniaie judios ma'a, lhta aptangkok: —Meltamesammakpok henganemakha engankok anak ha'e, niehe aptemakha apiangveiakmo nak —lhta aptangkok.

Juan 7:46

Ka apkellatemmongka lhta m'a, lhta aptangkok: —Ntasek lhek apkeltennaikama m'a, mamma enenlhet elhok ma'a —lhta aptangkok ma'a.