Lucas 19:21 - Nuevo Testamento Toba Maskoy

²¹ Askak'ave lhta lheiap ngkanek apto hengiatekamo anmakmama kakpota enaksepok patakkom aniem'o apiempek apmakmesaikama po'ok", lhna aptemak.

Lucas 19:21 Iomraidhean Croise

Lucas 19:20

Ka apvai'o lhnak mokhom po'ok apmakmesaikama, lhna aptemak ma'a: "Apveske, ema patakkom apanko lhta aliaqiema mina, askeltaqmelkaskaske lhta askelpelhketke lhta ietamopai'a m'a.

Lucas 19:22

Koka lhna aptemak apveske apkanemo: "Mangkolatsema apkelanai'a lheiap, aktevasekhankek apaivoma lheiap. Apiavek niekhe lheiap asto asiatekamo mota asmakmesaikama kakpota anaksepok patakkom aniem'o apiennaktema asmakmesaikama.

Romanos 8:15

Metlhevangkok ketlhengkap apvalhok anmahai'a nak nkoltemeskesek malha allasennaikama nema apkelianmoma, ka nhan altemeskeskama nak apkellai'a mokhom, apketlhevangkek koka Apvalhok apkeltemeskeskama Eniapom Neten apketkak. Kolhva koka apvanka'ak elteteskakhak Eniapom Neten, apvanka'ak na elpaqmetkesek nalhepe' apkelpaqmeiasma ellanhoho', etnangkok ellana hengke'e: —Ta.

Romanos 8:7

Apkellelto nak apkelieplavkeskama aliaspongkomakha nak apvalho'ok, koka apkelvesai'a apkellammelhma Eniapom Neten, mankonmak'ak na eleliehekhok ley apankok ma'a, mankollapvanka'ak nahan, mankonmak'ak na ellekkaskesama apvalhok Eniapom Neten.

2 Timoteo 1:7

Hengellangkek ennengko'o Eniapom Neten engelvalhok aknema akmovana, nengasekhai'o, nenmeiommalhko enganke', metka nengai'a nhan.

Santiago 2:10

Apno la enenlhet apkeliehekho ley atlhenkeskama nhan esavhoho', vanlha koka lhema alkama nkek ley meliehekho, ley hata nhan nkolhenek ma'a apto apselhnanemmap aniem'o apiekai'a m'a aklheianma.

1 Juan 4:18

Enenlhet akietno la nengasekhai'o nak, mamma nhan apkai'akha m'a ngkanek ngvaneniek akiokho nkek nengasekhai'o nak, ntepkaskek apvalhok ma'a apkai'akha la nema akiaqmongkasekha ta aptemakha. Apto la enenlhet akietnema apkai'a aniem'o mankovanemok akiokho nkek nengasekhai'o nak.

Judas 1:15

kakpota ellanhok aptemakha apkelanai'a aktaqmanma, ngkollatsekama aplhamakho enenlhet'avok, etlhenek apketselhnanemmap apkelelto nak apkellanekamok ngkollatsekama, apkeltaknongkongkek apvesai'a m'a», lhna ntemak akvetai'a apaqtek Enok ma'a.