Lucas 18:43 - Nuevo Testamento Toba Maskoy

⁴³ Kolhvavek ankek nak apvetekha lhma m'a, apieplekho lhnak Jesús. Apiavenkaseiangka nhan apvesai'a Eniapom Neten aniem'o apmopvana, apkeliavenkaseiangka nhan apvesai'a aplhamakho enenlhet'avok ma'a.

Lucas 18:43 Iomraidhean Croise

Lucas 13:17

Ka apkenmangkangvekho lhnak apkellelto apkellammelhma apkellengai'o aktakha apaivoma Jesús ma'a, koka napokha enenlhet nkelpaihekhek nak apvalho'ok ma'a aniem'o qaselha mongvetai'o.

Lucas 19:37

Apkelvekho lhnak ma'a nengaqtek metaimong akhaiam akvesai'a Olivos, apkelempekho lhnak mokhom apketlhengama akieto Jerusalen. Nkelpaihekhek nak apvalho'ok aplhamakho apkeltamesaikamok Jesús ma'a, apkeliavenkaseiangka lhnak apvesai'a Eniapom Neten ma'a ngkanek apkelvetai'o lhnak qaselha hempelapkeskama apkellanai'a Jesús ma'a.

Lucas 4:39

Ka aphalhentamo lhnak Jesús takhalhet ma'a, apiamenaiangka lhnak akmelhanma eniempek. Kolhvave ankek nak ntaqmelekhak ma'a. Ka anmekho lhnak neten, allanei'o nhan ma'a.

Lucas 5:26

Nkeliemaskangkek nak apvalho'ok enenlhet'avok ma'a, ka apkeltemeskeskamo lhnak na apiavai'a apankek Eniapom Neten. Mang nak na ngkeskamak apkellai'a m'a, lhna aptaiangkok: —¡Aii, qaselha mongvetai'o nak nelvet'ak aknem anak! —lhna aptaiangkok ma'a.

Lucas 9:43

Nkeliemaskangkek nak apvalho'ok enenlhet'avok ma'a apkelvetai'o akiavai'a apmopvana Eniapom Neten. Nkelpelapkeskangkek nak enenlhet'avok aniem'o apkelvetai'a qaselha apkelanai'a Jesús, lhna aptemak apkellanemo Jesús apkeltamesaikamok:

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Hechos 4:21

Koka apkelemhama apmaniaie mang nak nkonmopvanka'ak enaqtevaksek ngkanek aplhaniek nak enenlhet'avok apkeliavenkaseiangka apvesai'a Eniapom Neten aniem'o qaselha hempelapkeskama apkelanai'a, aptaqmelkeskaiam enenlhet nak ma'a, tep 40 iantelhkapa apankok nak ma'a enenlhet aptaqmalveiam. Apkellaskangkek nak eltemeskesama apkellaniemhaikama aptangkokho la mokhom ma'a, ka apkelpaqnemekho lhnak na m'a.

Galatas 1:24

Apkeliavenkaskesama nhan apvesai'a Eniapom Neten ma'a aniem'o apiaqmongkasekha astemakha lhennenga.

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma