Lucas 18:13 - Nuevo Testamento Toba Maskoy

¹³ Koka enenlhet apkenmama takha patakkom impuesto ankok, taiepek nak apkenmaiangkolha m'a fariseo, apkapiosemmakpavek nak aphalhentamo nhan ma'a, aptekpoiangka lhna apneniek apankek ma'a, lhna aptemak: "Eniapom Neten, eietno no neha'at mangkolatsekama ko'o askelanai'a mota", lhna aptemak apkenmalhnonkoma m'a.

Lucas 18:13 Iomraidhean Croise

Marcos 11:25

Neksa apkelelmalhnongkoma, eltemeskesama ta apankavek apnaqtevaskai'a la po'ok. Netamen Apkeliapom anak ketlhengkap apno nak ma'a neten, etneskesama ta nhan apankek ma'a apkellanekamok ngkollatsekama ketlhengkap.

Lucas 17:12

Apvekho lhnak lhema natemma m'a, apkeltetesaiakmo lhnak 10 enenlhet nemmaskema lepra ato'ok ma'a. Apkelanvei'o lhnak mokhek ketsek ma'a.

Lucas 22:41

Ka apkelieniekho lhnak tep atketsek ma'a, apkelteklhekvaiakmo lhnak aptapno'ok lhepop ma'a, lhna aptemak apkenmalhnongkomo m'a:

Lucas 23:48

Ka apkeltaqhekho lhnak enenlhet'avok ma'a, apkeltekpoikokho nhan apnenio'ok ma'a aniem'o anmaiosak'a apvalho'ok.

Lucas 5:8

Lhna songkek apvetai'o Pedro m'a, apkeltanentamo lhnak aptapno'ok napaqtek Jesús ma'a, lhna aptemak: —¡Apveske, molatsekama ko'o, mangheipetkangva! —lhna aptemak.

Hechos 2:37

Avanhek ankek nak altaikama apvalho'ok apkellengai'o m'a, ka apkelelmalhnengvekho lhnak Pedro kakpota nhan apketlhelhma'ak nema allapaskamo, lhna aptaiangkok: —Elialheng'a, ¿ko la antemeskesangkok ennengko'o m'a, he? —lhna aptaiangkok.

Romanos 5:8

Koka Eniapom Neten hengelvetaskaskek akiavai'a nkek hengellamelaiam ngkanek apkapaskangkek Cristo kakpota enietsepok hengiaqmoiekha ennengko'o neksa nellanekamok ngkollatsekama.

2 Corintios 7:11

Allaiosei'o lhna lhta apvalho'ok ketlhengkap neksa apkelietsatekamok vakkahak alhta astalheskama akiennaktema aspaioma askellaikamok, koka aniem'o nhan Eniapom Neten anmaiosak'a apvalho'ok ketlhengkap kakpota eliaqmongkasekhak mo'ok apvalho'ok neksa apnaqtevaskama asvesai'a hetlheianma ko'o, nketlheianvekhek na lhta nhan apvalho'ok asiamolhma ko'o, ka helatemmokkeskamo lhna lhta nhan alhenammalhka ko'o meleltemo alhenalhkak mokhom, apkellai'avek na lhta nhan ketlhengkap ma'a. Apkenmahai'avek nak helvet'ak, henmasmek nahan napokha, apkeliaqmongkaskesekho lhna lhta apkellelto apkenmahai'a henaqtevaksek. Kolhva koka nlheianvakhak evalhok melvanekhok ketlhengkap ma'a qaselha ngkolatsekama nak.

1 Timoteo 1:15

Kolhva smak'ak alhenek nkelietavek enmangkok takha aspaioma meliaskamek na aplhamakho ketlhengkap, apvai'o lhta Cristo Jesús nalhepop anak kakpota elvongkesek tep enenlhet'avok meleliehekho apkellaskamakha Eniapom Neten, ko'o nhan asto m'a neten ehenkek moliehekho, molhnok aplhamakho enenlhet'avok.

Hebreos 4:16

Ka ngkanek ntasek angelteteskakho mota ennengko'o m'a metka nengai'a napokha aptanema Eniapom Neten apto niapom hengamelaiam. Apiosek hata nhan hengellanhok ennengko'o m'a, hengelpasmok hata nhan akvo'o la aknem akientalhnema ngkanek apto apiamolhma apanko ie'.

Hebreos 8:12

Alietnahok hata napaqta'ak neksa meleliehekho askellaskamakha, mankolheianvakhek hata nhan evalhok aptaiangkolha ngkollatsekama», lhna aptemak.