Lucas 18:12 - Nuevo Testamento Toba Maskoy

¹² Hanet aknem lhema semana ankok askaqhaskesammalhko mota mek, askaiangkek na lhema nekha 10 anak akianmoma asmakmekama", lhna aptema mota apkenmalhnonkoma m'a.

Lucas 18:12 Iomraidhean Croise

Lucas 11:42

¡Ketlhengkap la ie fariseos! Vanlha apkeleliehekho mankotno neten ankek akiaspommalhka henganemakha nak Moises, ka kto nak ellangkok lhema nekha 10 anak akielhna aniep panko'ok, ruda, menta kakpota nhan nentoma nak ava'. Koka meleliehekhok akto nak neten ankek akiaspommalhka henganemakha, ka kto nak akietemo nak nellanei'o emmo'ok kanhan nengasekhai'o Eniapom Neten. Ntasek na etnangkok aktakha nak hengke'e alheianma, kakpota nhan ma'a diezmo lhkek.

Lucas 17:10

Nnave niekhe nhan ngkotnek ketlhengkap ma'a, ka apkeleliahakho la aknakha akto allano, hata etnangkok hengke'e: "Nema hengenmakmesaikama iama neltaqmanma ennengko'o, ngkanek nellan'ak lhek vanlha neleltalhkelha angellanho".

Romanos 3:27

Akhemo angetlhenalhkok engankavek nelieplavkeskama ley napaqtek Eniapom Neten, ngkanek neten ankek akto akiaspommalhka m'a mongiaskeiam anak.

1 Corintios 1:29

kakpota mamma enenlhet'avok ellakpok napaqtek Eniapom Neten.

Galatas 1:14

Avanhek anke lhta askasekhai'o nellanemmalhkelha nak antangkok aniem'o nelieihengka, koneng alhta m'a asketlhelhma'ak aspaiomo lhema ehenkek judios.

Efesios 2:9

Mangkollapvankek nkolalhkok apvalho'ok ketlhengkap ma'a aniem'o apketlhevai'a apanke'

1 Timoteo 4:8

Aselhtek apkelvetai'a aktaqmanma apiempeiok ma'a apkellelto nak apkelleivesammap la'a, koka m'a akto neten ankek aktaqmanma apkellelto nak apkellanekamok la qaselha akpeivomo, apeneskangke lhta nhan lhema apaivoma Eniapom Neten ma'a eleltaqmelkeskesek neksa apkellangiemhaikama hengke'e nalhepop anak, kanhan alhaiek ma'a neten,