Lucas 17:26 - Nuevo Testamento Toba Maskoy

²⁶ Neksa apvekta ta mokhom Enenlhet Apketka nak, hata ngkotnek aktemo lhnak nanek apnema Noé nnenga.

Lucas 17:26 Iomraidhean Croise

Lucas 17:22

Netamen lhnak aptemak apkellanemo Jesús apkeltamesaikamok: —Nkovak hata aknem ketlhengkap apkenmahai'a elvetak lhema aknem ankek Enenlhet Apketka nak, melvetiek hato ka m'a.

Lucas 17:24

Hato ka apvaktamo ta Enenlhet Apketka nak, malha apkelienmaiam anak akvekho nav'a aksavhekho alhma nkek ham.

Lucas 17:27

Nheklhek noka antemak apkeliaihekama enenlhet'avok ma'a, aptoiangkek aptekamok, apienaiangkek nahan, nkeliemhapeiangkek m'a. Netamen Noé aptalhnemo lhnak nanek konne' loma nemmen akiavai'a, ka apkapaskamo Eniapom Neten akmamai'a aklanekha' akiavai'a halhmankek ham. Apkelvaiveiangko nhan enenlhet, apkeletsepmo lhnak na m'a.

Lucas 17:7

—Nema apmakmesaikama la'a evakhak apnemakha apveske apankok netamen apeneskama apmakmekama vakka, kakpota nhan aniep, meltehek koka apveske apankok kakpota elhek etavekhak ma'a apnemakha.

Lucas 18:8

kolhvavek kankek hata nhan epasmok ma'a. Koka apmak'o ta evatak Enenlhet Apketka nak hengke'e metangvetaniek hatelha meliaskeiam enenlhet'avok —lhna aptemak Jesús.

Hebreos 11:7

Mang nak nanek na ei'askeiakmok Noé apaivoma Eniapom Neten apkeskamo nkovak hata lhema qaselha melvetai'o m'a. Apkelanei'ak noka apanke loma nemmen akiavai'a kakpota evongkasakpok tep kanhan apketkak. Hai, mei'askeiam nak nanek nkeniemai'ak ma'a Noé aknemo aktevasekho lhmankek ham. Mei'askeiam nak nanek Noé ka nkeniemai'ak ma'a nemo altaiangko apeivomo.

2 Pedro 2:5

Mang nak nanek na enmekhok takha enenlhet'avok anak meliamolhma apkennemolhema lhnak nanek Noé, apiangkanmo lhnak nanek iemmen akiavai'a takhaplhet'ok ma'a, vanlha lhnak nanek Noé apvaiakmo tep ma'a ngkanek apto apeivomo, kanhan apkelvaiakmo tep 7 apketkak.

2 Pedro 3:6

Netamen nak ma'a lhamakho qaselha nenvetai'o nak lhmankek ham aktevasekho lhnak na iemmen.