Lucas 16:3 - Nuevo Testamento Toba Maskoy

³ Ntaikama lhnak apvalhok apmakmesaikama m'a ngkanek mankapvanak emakmama mo'ok aktemakha apmakmekama, ka kto nak nemmetama malhek, mang nak na nkomahai'ak emongkalhnama m'a, aklheianmo lhnak apvalhok emangkak hata m'a.

Lucas 16:3 Iomraidhean Croise

Marcos 10:46

Jesús kakpota nhan apkeltamesaikamok apkelentalhnengvekho lhnak na temma Jerico, netamen nak ma'a apkelentepekho lhnak mokhom, apkelieplekhek nak enenlhet'avok ma'a. Apnemo lhnak nekha amai metka apaqto'ok apvesai'a Bartimeo, Timeo apketka lhnak ma'a, apkelelmalhneiangka lhna mota qaselha enenlhet.

Lucas 12:17

Mang nak eihamok apkakheskeianlha akielhna apnaklhema m'a,

Lucas 16:2

Ka apkaveiangka lhnak, lhna aptemak apkanemo: "Asleng'ak lhta ko'o aptevaskama qaselha ehenko'ok lheiap, helaneskaso no vakkahak aptalhesaikamok qaselha ehenkok alvesai'a alianmoma aptalhesaikama mota apkelhakhama kanhan apkeliaqmoikamok la enenlhet, atepkesek hata lheiap", lhna aptemak apveske apankok apkanemo m'a.

Lucas 16:20

Apnengkek nak na nekha atong apnemakha m'a lhema enenlhet metka apketsekama apvesai'a Lazaro. Vanlha lhna mota apkasnekama qaselha apanko'ok nema apketsekama m'a, al'ok nak apiempek ma'a,

Lucas 16:22

Apketsepmek nak enenlhet metka apketsekama m'a, ángeles nak apkelletsekhak neten ma'a akieto apnakha Abraham annenga kakpota etavekho lhemek ma'a. Netamen apketsepmo lhnak na ngkeskama apketsekama enenlhet, apkatonnammakpek nak ma'a.

Lucas 16:4

Ka alketansemo lhnak apvalhok ma'a, lhna ntemak: "Ntase nak allavama apkellelto apkeliaqmoikamok apveske ehenkok kakpota hellamelama kelhaha, kakpota henmekhak kelha henmakmesama akieto apkakhaiangkolha hetepkeso ta apveske ehenkok", lhna ntemak alketansema apvalhok.

Lucas 18:4

mang noka eniammelhmok hengiekpelkemo m'a. Koka nkelienlhaneiakmavek na mota, ka alketameiangka lhnak apvalhok ma'a, lhna ntemak: "Niekhe moliehekho ko'o Eniapom Neten kanhan enenlhet'avok,

Juan 9:8

Neksa apkelvetai'a lhna lhta apkennemolhema apvekho apnemakha m'a, apkelpaqmetkesammakpo lhna lhta mok apankavek ma'a, lhna lhta aptaiangkok: —¿Have nlho enenlhet alhta apkellanheiangka lhta mota patakkom enenlhet, he? —lhna lhta aptaiangkok ma'a.

Hechos 3:2

Apnengkek nak na lhema enenlhet apiaqtekama apteianlhasekha m'a. Lhamakho aknem nak nema akiantemekha mota nekha atong akvesai'a Aktaqmelo kakpota eniapiosakpok ellasnama qaselha apkellelto apkelentalhnengvekha m'a.

Hechos 9:6

etnemekha neten, etalhnengvom hata ha'e apnakha natemma, hata ngkolhek altennaso ania'a lheiap ma'a —lhna aptemak ma'a.

2 Tesalonicenses 3:11

Nkanek nellengai'ak koka apkelvesai'a moklhem'a apieseksek anak ketlhengkap akhemo lhna ntemak apkellangiemhaikama, mankonmahai'a enmakmamaha, vanlha lhna mota apketlheianveiakmo aptakha la po'ok temma aptakha la nhan apkelvetai'a m'a.