Lucas 16:22 - Nuevo Testamento Toba Maskoy

²² Apketsepmek nak enenlhet metka apketsekama m'a, ángeles nak apkelletsekhak neten ma'a akieto apnakha Abraham annenga kakpota etavekho lhemek ma'a. Netamen apketsepmo lhnak na ngkeskama apketsekama enenlhet, apkatonnammakpek nak ma'a.

Lucas 16:22 Iomraidhean Croise

Marcos 8:36

Aqhemo koka eniankesangkok apketsekama, aktemongvakmo la nnelha apkaniemhaikama.

Lucas 12:20

Koka lhna aptemak Eniapom Neten: "Metka apqatek lheiap, enietsepok hata pelhasep anak, po'ok enenlhet hata etnekhak apankok apkeltakmelkeskama lhkek qaselha apanko'ok".

Lucas 16:21

nkelteteskai'ak na mota semheng alpetsesvai'o al'ok apankok. Mek nak nkaqhema mota m'a, apmahai'avek na niekhe etvok akpalleiam aptoma nekha atkok koneng asota apankok ngkeskama apketsekama m'a.

Juan 13:23

Neksa aptaveikokha lhta m'a, lhema apkeltameskama lhta apkamelaianlha apnema napokha Jesús ma'a, apielhakpo lhta Simon Pedro apto mok apophek apkeltemo enmalhnama Jesús apto apselhnanongkoma ta enenlhet.

Juan 21:20

Apieplakhe lhta Simon Pedro m'a, neptamen alhta nhan apkeltameskama apkamelaianlha lhta Jesús, apnemo lhta nhan lheme apkelanei'o lhta nentoma aktaqmanma Pascua ankok ma'a, apkenmalhneiangka lhta nhan Jesús apto enenlhet apmahai'a eselhnana. Apvet'a lhta Pedro aplhekmo neptamen apkeltameskama lhta apkamelaianlha Jesús, lhta aptak apkenmalhnengka: —Apveske ¿Ko la ta ngkotnek apiaihekama enenlhet anak? —lhta aptak.

Hebreos 1:14

Nkanek ángeles apkellelto malha eniempehek apkellasennaikama Eniapom Neten kakpota ellapaksek elpasmok apkellelto nak apkelvonkasemmap tep.

Hebreos 2:14

Ka Eniapom Neten apketkak anak enenlhet apankavek ma'a, nietnek aphapetek kanhan ema apanko'ok ka nkeniemai'ak na aptaiekho lhta enenlhet apankek Jesús ma'a, ka apketsepmo nhan ma'a, aptemeskesekho lhta nhan koneng aveske netsepma akvesai'a nak aveske keliaqhameio'.

Santiago 1:11

Niemak'ak ma'a aktepo la aknem akieplomo nhan akmate, mpallakmek elhnemok na m'a, mmaskengvakmek na aktaqmanma lhkek ma'a. Nnavek na m'a enenlhet la aknema nak apketsekama, emaskengvomok hata nhan m'a kanhan qaselha apanko'ok.

1 Pedro 2:24

Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

Apocalipsis 14:13

Netamen ma'a asleng'o lhta mokhom nema aliatekama neten, lhta ntak heiano: —Etalhes hata ham, aktakmelakho nke ta nkotnek apkellelto apkeletsepma nenvanlha nak ma'a kanhan emanie ta apkelpasmekha nak ma'a Apveske engankok. —Hai, ka aptemak na Espíritu m'a eliamposakpok hata m'a aniem'o apkenmakmekama ngkanek metka apkelvatesaikamo apkellanekamok qaselha altaqmelo neksa apkellangiemhaikama m'a nalhepop —lhta ntak ma'a.