Lucas 16:19 - Nuevo Testamento Toba Maskoy

¹⁹ —Apnengkek nak lhema enenlhet ngkeskama apketsekama, apmennave lhnak apkelentalhnema, apkeltakmanma nhan. Vanlha lhna mota apkelanai'a akiavai'a aktaqmelaikama lhma.

Lucas 16:19 Iomraidhean Croise

Marcos 15:17

Apkel·hatsoskaseiangko lhnak aptalhnema m'a, ka apkelentalhneskasekho lhnak apvenaktema aptalhnema apaiseiam apielhvasema, apkelatkeskasekho nhan nema alhengkasekha apqatek otemmalhka akieplomo am'ok ketama Jesús ma'a.

Marcos 15:20

Nkelastenganveiakmek nak apkelvannaikama m'a, ka apkel·hatsoskeskamo lhnak apkelentalhnesekha lhkek, apkelentalhnesakho lhnak mokhom aptalhnema apanke'. Ka apkeliantemekho lhnak ma'a kakpota ngkolhek aliaqlho apmeiok, apmankok neten iamet aktenneskama.

Lucas 15:13

Ka apiamasmo lhnak nema akianmoma apketsekama apselhiek ma'a apkaikamok lhek apiapom, apkenmamo patakkom akiavai'a, aplhengamo lhnak ma'a apmaiangko mo'ok apkellavakha. Ka aptevaskeiakmo lhnak patakkom apankok ma'a apvaianlha aniem'o qaselha ngkollatsekama apvanengvaiam ma'a.

Lucas 16:1

Apkeleltennasekama lhnak Jesús mokhom apietkeskama apkeltamesaikamok, lhna aptemak: —Lhema enenlhet nak ngkeskama patakkom apankok, apnengkek nak na lhema apkeltakmelkeskeskama qaselha apankok. Aplengai'o lhnak na ania'a apveske aptevaskeskama qaselha apanko'ok ma'a.

Lucas 16:18

—Lhema enenlhet apieniavo la aptava, emekhak mo'ok, koka aptevaskek aliemhapma lhta. Apmakho la nhan po'ok enenlhet apiamasma lhta aptava m'a, aptevaskakmek na aliemhapma m'a.

Lucas 16:20

Apnengkek nak na nekha atong apnemakha m'a lhema enenlhet metka apketsekama apvesai'a Lazaro. Vanlha lhna mota apkasnekama qaselha apanko'ok nema apketsekama m'a, al'ok nak apiempek ma'a,

Apocalipsis 17:4

Apielhvasema purpura alhta aktalhnema ngkelvana lhta m'a, annatanma lhtoka oro kakpota nhan metaimong aktek altakmanma nke anmennave nkoie kanhan perlas. Aksekama lhta nhan amek nohaikok oro aklanei'o qaselha ngkollatsekama nkek kakpota nhan qaselha alpaiseiam aniem'o m'a anmensangveiam alhma ankok.

Apocalipsis 18:16

hata etnangkok heng: "Ai, lheia laie apiav'akha temma, vanlha lhta mota aktalhnekha ietamopai'a akmennave panke lino, ietamopai'a apielhvasema kakpota nhan purpura, annatanma mota oro, metaimong aktek altakmanma kakpota nhan perlas,

Apocalipsis 18:7

Avanhek anke lhta anmalhkoho, ntevaskangkek patakkom ankok aniem'o atseskeskama av'alhok aktemengveiakmo lhma. Kolhva koka ketlhengkap ntasek ellengaskesamok hata akiavai'a nkek ma'a kakpota nkovene nkeskama nkek ma'a aniem'o aklengaiangko akmaska. Vanlha lhta nha mota aklheianma av'alhok aktema aveske takhalhet aktanema, aklheianmo lhta nhan av'alhok mankovenek hata, mangkotnek hata nhan lhentampe, lhta ntema mota alketansema av'alhok ma'a.