Lucas 16:15 - Nuevo Testamento Toba Maskoy

¹⁵ Koka lhna aptemak Jesús apkellanemo: —Nkeltase niekhe napaqta'a ketlhengkap napaqtavek enenlhet, koka meliennengkasak Eniapom Neten apto apiekpelkemo apkelvalho'ok. Koka heng qaselha akto neten ankek akiaspommalhka' napaqtavek enenlhet'avok, aptaqnevakkek koka Eniapom Neten ma'a.

Lucas 16:15 Iomraidhean Croise

Lucas 10:29

Koka hengetlhekmoskama lhnak henganemakha m'a apmahai'o lhnak enmalhnekhok mokhom kakpota nkopeivekhok ma'a amanie lhkek apkenmalhnekama, lhna aptemak: —¿Se lha ko'o astema emo'ok ke, he? —lhna aptemak.

Lucas 11:39

Koka lhnak aptemak Apveske apkanemo: —Ketlhengkap fariseos nkeltameiangkek apkelieniesekamok apto'ok nohaikok kakpota nhan aphak av'alho'ok. Koka konne' apvalho'ok anak ketlhengkap nkelpaiseiakmek anke, nkellanei'avek ngkolatsekama, apkelmenielhma nhan.

Lucas 18:11

Apkenmekhek nak neten fariseo, lhna aptemak apkenmalhnonkoma m'a: "Eniapom neten, avanhek astema gracias lheiap ngkanek have stonak ko'o po'ok enenlhet meliamolhma nak. Mamma asmenielhma, have nhan asto mopeivomo, mamma nhan astevaskama heliemhapma. Motnema aptemakha nak hengke'e apkenmama nak patakkom impuesto ankok.

Lucas 18:14

Ka apeneskamo lhnak apietkeskama Jesús ma'a, lhna aptemak apkellanemo enenlhet'avok: —Have niapak ankek Eniapom Neten elhenek hata apto apeivomo apkenmama lhkek takha patakkom impuesto ankok, have koka m'a fariseo lhkek. Enenlhet apkeleltammakpo neten apankavek, ngkolhek hata altemeskesakho koneng. Koka enenlhet apkeltaikamok koneng anke, neten apankavek hata ngkolhek altemeskesakho m'a —lhna aptemak Jesús.

Lucas 18:21

Ka apkatemmoiangka lhnak apkemhama apmanie, lhna aptemak: —Hai, astemakha eietkok askeliehekho ko'o m'a —lhna aptemak.

Lucas 18:9

Apkelpaqmetkesaikama lhnak Jesús enenlhet'avok apkeleltammakpo apankavek apkelpeivomo kanhan apkelvannaikama po'ok, lhna aptemak Jesús apietkeskama:

Lucas 20:20

Netamen nak ma'a apkellapaskamo lhnak enenlhet malha apkeliamolhma apankavek ma'a kakpota elenmalhnengvakhak lhema ania'a Jesús, koka apkenmahai'ak na niekhe etselhnanak kakpota ellangkongvomok apveske ko Roma.

Lucas 20:47

Koka apkeltakmelkeskamavek apkenmenielhkeskama qaselha anko'ok lhentampak'a, aholhek ankek na apkelelmalhnongkoma Eniapom Neten kakpota ngkolhek aleltangko apkeliamo lhma m'a. Avanhek hato ka nhan ngkotnek nema aliaqmongkaskesekhak apkeltemakha ngkollatsekama m'a —lhna aptemak Jesús.

Juan 21:17

Hanetolhem'a lhta ntak apkenmalhnekho mokhom ma'a, lhta aptak: —Simon, Juan apketka, ¿heiasekhai'o nlho lheiap? Aiose lhta ntak apvalhok Pedro ngkanek hanetolhem'a lhta ntak apkenmalhnekama Jesús, lhta aptak mokhom apkatemmongka: —Apveske, apiavek lhamakho qaselha lheiap, apiavek na avanhek askasekhai'o lheiap —lhta aptak. Ka apkatemmongka lhta Jesús ma'a, lhta aptak: —Eltaqmelkes hata nepkesek ehenko'ok anak.

Hechos 1:18

Koka aptaqnongvakhe lhta Jesús ma'a, ka apmo lhepop patakkom aplhevai'a lhta akianmoma lhta Jesús apiamasma m'a. Ka apteiaiakmo lhnak na Judas ma'a akmeientamo lhnak na koneng apqatek, apketsepmo nhan. Mpaklhemavek nak na apvakmo m'a alenteiapmo nhan apie' m'a.

Hechos 1:24

Ka apkelelmalhneskeskamo lhnak na m'a, lhna aptaiangkok: —Apveske, apiekpelkemo lheiap lhamakho aktemakha atlheianma engvalho'ok ennengko'o, nengeltavek hengelvetaskesek lhema phapak hengke'e enenlhet anak apqanet. Sek la enenlhet apkeliekieskama lheiap ke

Hechos 15:8

Apkeliekpelkavek Eniapom Neten apvalho'ok aplhamakho enenlhet'avok, apkenmaiangkek na takha m'a metnangko nak judios ka nkeniemai'ak apkellaiangko nhan Espíritu Santo, nnavek na aktemakha nak hengellanei'o ennengko'o.

Romanos 3:20

Mankollapvankek enenlhet etlhenakpo apankavek apkelpeivomo napaqtek Eniapom Neten aniem'o apieplavkeskama ley, ngkanek ley anak hengelvetaskaskek mongeliehekho hengellaskamakha Eniapom Neten.

Romanos 8:27

Apiavek koka Eniapom Neten alketansema engelvalho'ok, apiavek na apto apkenmalhnekama Espíritu Santo ngkanek apkenmalhnema mota apmahai'akha la etnek Eniapom Neten apkellelto la apkelpokkanma m'a.

1 Corintios 4:5

Ka ngkanek mangkolatsema etlhenek ketlhengkap apketselhnanemmap po'ok la'a, ellaielh koka akvakmo aknem apvektanlha ta apto Apveske, hata el·hatsoksek qaselha alposemmalhka apvalho'ok anak kakpota enengkanvetak alhnakhoho, ngkolvetalhkak hata nhan m'a, etlhevangkok hata alianmoma alietakhelha la m'a.

1 Pedro 3:4

Koka nlekavek apvalhok Eniapom Neten ma'a ketlhengka' malha alalhnaskama av'alho'ok anak ngkanek mankomaskengvomek aktaqmanma m'a, akto nhan nalhepek av'alho'ok kanhan altakmelkeskamo av'alho'ok.

1 Pedro 5:5

Ketlhengkap apketko'ok eleliehekho ta metno apketko'ok anak, etnamok hata nhan nalhep'avek apvalho'ok apieseksek anak ham, ka aktemo nak na aktalhesammalhka vakkahak Eniapom Neten apaivoma hengke'e: «Apkellammelhkek Eniapom Neten enenlhet'avok anak apkellammakpoho, apkeltakmelkaskaskek koka apkellangiemhaikama apkellelto nak nalhep'avek apvalho'ok».

Apocalipsis 2:23

Annapkesek hata nhan atkak, netamen ma'a aplhamakho iglesias nkotlhenek hata apvalho'ok asto asiekpelkemo alhnakho nkek alietnaikama apaqto'ok kanhan apvalho'ok ma'a, allangkok hata akietemo aktemakha la apkellanekamok akiaqmoiekha ngkolatsekama kanhan aktaqmanma.