Lucas 15:8 - Nuevo Testamento Toba Maskoy

⁸ Mo'ok apietkeskama: —Lhema ngkelvana kelha nhan ngkoitek 10 patakkom aliaqiema dracmas, nkotiemok kelha lhema. ¿Have nlho niapak kolhvavek ankek nkoliama apommatkeskama la'a kakpota nhan nkalhnasama konne' aknemakha kakpota nkotekhak ma'a, he?

Lucas 15:8 Iomraidhean Croise

Lucas 15:7

Nnavek na m'a avanhek hata ngkotnek akpaihekha apvalhok neten anak apvet'o la lhema enenlhet apkelanai'a ngkollatsekama apiaqmongkasekha mo'ok apvalhok, aselhtek ma'a akpaihekha apvalhok apkellanei'o 99 enenlhet apkellelto apkelpeivomo metka alaimommalhka' nak apkeliaqmongkasekha mo'ok apvalho'ok ma'a —lhna aptemak Jesús.

Lucas 15:9

Netamen akvetakho la patakkom ankok, nkollavama ta annemolhema kanhan altaiangkolha atlhelhma'ak nengaqte, hata ngkotnek: "Kolpaihek hata lhemek ko evalhok, asvetakhek lhek patakkom dracma akteiam alhta", hata ngkotnek ma'a.

Lucas 19:10

Apva'ak Enenlhet Apketka nak apkelketansema kanhan elvongkesek tep apkellelto nak apketlheneiam —lhna aptemak Jesús.

Juan 10:16

Apiangkek na aplhamakha nepkesek apkelloka mo'ok nekha, alaqlosengvakhak hata nhan ma'a, heleliehekhok hata nhan ma'a, netamen angvankesekhak hata aplhamakho atnekhak lhema apienaktemakha, lhema aphapak na apto apkellanekama m'a.

Juan 11:52

Have koka nhan vanlha enietsepok Jesús akiaqmoiekha apkennemolhema apankavek judios, koka nhan ma'a enietsepok kakpota eniankesekhok aplhamakho apkellelto Eniapom Neten apketkak apkakhangko lhma nkek ham.

Hechos 19:19

Apkelvatesaiangko nhan aptaikamok apkeliolhma meliamolhma, apkelletsekho nhan vakkahak apanko'ok apkelelvanlhekho napaqtavek enenlhet'avok ma'a. Ngkeskama nkek patakkom aliaqiema vakkahak anak ma'a, malha 50.000 anmopai'a aliaqiema alianmoma lhnak ma'a.

Efesios 2:17

Apvai'o lhta Cristo apaieskai'o ania'a aktaqmanma altaqmelkeskeskai'o nhan apvalho'ok aplhamakho enenlhet'avok, apkellelto lhta taiepe Eniapom Neten, kakpota nhan apkellelto nengaqtek Eniapom Neten.