Lucas 15:7 - Nuevo Testamento Toba Maskoy

⁷ Nnavek na m'a avanhek hata ngkotnek akpaihekha apvalhok neten anak apvet'o la lhema enenlhet apkelanai'a ngkollatsekama apiaqmongkasekha mo'ok apvalhok, aselhtek ma'a akpaihekha apvalhok apkellanei'o 99 enenlhet apkellelto apkelpeivomo metka alaimommalhka' nak apkeliaqmongkasekha mo'ok apvalho'ok ma'a —lhna aptemak Jesús.

Lucas 15:7 Iomraidhean Croise

Lucas 15:10

Nnavek na m'a ángeles apkellapaskama Eniapom Neten nkolpaihekhak hata apvalho'ok apiaqmongkasakho la mo'ok apvalhok lhema enenlhet apkelanai'a ngkollatsekama —lhna aptemak Jesús.

Lucas 15:29

Koka lhna aptemak apketka metno apketkok: "Nlhamakmek iantelhkapa asmakmesaikama lheiap, askeliehekho motaha, mang koka heiaiangkok lhema ieta'ai apketkok kakpota alanak aktaqmelaikama lhma ieplomo askeltemo lheme nengaqtek apketko'ok.

Lucas 15:32

Koka ntasek na angellanak aktaqmelaikama lhma, nkolpaihekhak na engvalho'ok apvaktaniek apialheng. Malha lhta apketsepma aptemak ma'a, aphalhnankok koka nelvetakhak mokhom, malha alhta aplheneiam na aptemak, koka nelvetakhek mokhom" lhna aptemak apiapom ma'a.

Lucas 15:6

Apvakhek hata nkek apnemakha m'a, ellavama ta apkennemolhema kanhan apkeltaiangkolha apketlhelhma'ak nengaqte, hata etnek: "Mpaihakhek ko'o evalhok, asvetakhek lhek nepkesek apketkok alhta aplheneiam, kolpaihekha ta nhan apvalho'ok ketlhengkap", hata etnek ma'a.

Lucas 15:8

Mo'ok apietkeskama: —Lhema ngkelvana kelha nhan ngkoitek 10 patakkom aliaqiema dracmas, nkotiemok kelha lhema. ¿Have nlho niapak kolhvavek ankek nkoliama apommatkeskama la'a kakpota nhan nkalhnasama konne' aknemakha kakpota nkotekhak ma'a, he?

Lucas 16:15

Koka lhna aptemak Jesús apkellanemo: —Nkeltase niekhe napaqta'a ketlhengkap napaqtavek enenlhet, koka meliennengkasak Eniapom Neten apto apiekpelkemo apkelvalho'ok. Koka heng qaselha akto neten ankek akiaspommalhka' napaqtavek enenlhet'avok, aptaqnevakkek koka Eniapom Neten ma'a.

Lucas 5:32

Have ko'o asmahai'a alvenama apkelpeivomo nak, vanlha koka asmahai'a allavama m'a enenlhet apkellanekamok anak ngkollatsekama kakpota eliaqmongkasekhak mo'ok apvalho'ok —lhna aptemak Jesús.

Romanos 7:9

Lhennenga tep nak nanek mamma ennengko'o ley anak, netamen akvai'o m'a hengeskamakha, ka aktepo nhan hengiatekamok angeliekak ma'a aliaspongkomakha nak engelvalho'ok,