Lucas 15:6 - Nuevo Testamento Toba Maskoy

⁶ Apvakhek hata nkek apnemakha m'a, ellavama ta apkennemolhema kanhan apkeltaiangkolha apketlhelhma'ak nengaqte, hata etnek: "Mpaihakhek ko'o evalhok, asvetakhek lhek nepkesek apketkok alhta aplheneiam, kolpaihekha ta nhan apvalho'ok ketlhengkap", hata etnek ma'a.

Lucas 15:6 Iomraidhean Croise

Lucas 1:58

apkelvaiakmek nak annemolhema kakpota nhan aktema aklhamakha la'a ngkanek apkellengai'ak nak ania'a apkaikamok Eniapom Neten akiavai'a aktaqmanma aniemhaikama m'a.

Lucas 15:10

Nnavek na m'a ángeles apkellapaskama Eniapom Neten nkolpaihekhak hata apvalho'ok apiaqmongkasakho la mo'ok apvalhok lhema enenlhet apkelanai'a ngkollatsekama —lhna aptemak Jesús.

Lucas 15:24

Ngkanek apvaktaniek eietka malha apketsepma lhta aptemak, kolhva koka aphalhnankok mokhom, malha aplheneiam alhta nhan aptemak, kolhva koka asvetakhek mokhom", lhnak aptemak apiapom ma'a. Ka apkelempai'o lhnak apkellanekhak apkeltakha aktaqmelaikama lhma' ankok ma'a.

Lucas 15:5

Ka apvetakho la m'a, nkopaihekhak hata apvalhok, epatmentak hata neplatane.

Lucas 15:7

Nnavek na m'a avanhek hata ngkotnek akpaihekha apvalhok neten anak apvet'o la lhema enenlhet apkelanai'a ngkollatsekama apiaqmongkasekha mo'ok apvalhok, aselhtek ma'a akpaihekha apvalhok apkellanei'o 99 enenlhet apkellelto apkelpeivomo metka alaimommalhka' nak apkeliaqmongkasekha mo'ok apvalho'ok ma'a —lhna aptemak Jesús.

Juan 15:14

Heleliahakho la ketlhengkap, atneskesangkok hata askeltema emo'ok nengaqte.

Juan 3:29

Neksa aktaqmelaikama lhma aliemhapma la'a, neten ankek apiaspommap apokkenammap anak aliemhapma, nkoliemhapok apmahai'akha. Apketsevasavek na m'a apto aptaiangkolha la aplhelhma nengaqte, mpaihakhek na apvalhok apleng'o apkeltennaikama m'a. Nnavek na ko'o lha, mpaihakhavek ankek evalhok kolhvave nak,

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Filipenses 1:4

askenmalhneskaskek na m'a akieplomo akpaihekha evalhok kakpota eltaqmelkesek moklhem'a ketlhengkap ma'a,

Filipenses 2:17

Meliaskeiam anak ketlhengkap malha niekhe ntak akmatnama nak nentoskama nengaikamok Eniapom Neten, ka asketsepo la ko'o neksa helasennaikama ketlhengkap, ema ehenkok malha ntakhak nema aliangkenaikama nak takhalhet qaselha nema akmeskama Eniapom Neten, hata akto ta askaniemhaikama m'a nkaqhok hato ka ngkotnek ma'a nkopaihekhok ankek hata evalhok lhemek ketlhengkap ma'a.

Filipenses 4:1

Ka m'a astakha lhkek askellano, ntasek etlhengkesek akiennaktema nkek apkelleliehekho Apveske ketlhengkap elialheng'a askellasekhai'o, heliepvaiakmek nahan, apkelpaiesekha mota evalhok, malha akianmoma la alhevai'a asnaksepma askelhanma epatek ketlhengkap.

1 Tesalonicenses 2:19

Avanhek nemmahai'a angelvetekhak mokhom ketlhengkap ngkanek apkelpaiesekha mota engelvalhok. Ketlhengkap malha netlhevaikamok akianmoma la nennaksepma nempekkenekha empatek anak, hengellaiangko nhan alel·halhnekama engelvalho'ok envanka'ak hata nhan nkolalhkok engelvalho'ok napaqtek apveske Jesús apvaktamo ta hengke'e.

1 Pedro 2:10

Lhennenga lhta ketlhengkap have lhta apkennemolhema Eniapom Neten, koka kolhvave nak aptangkek apkennemolhema m'a, ma lhta nhan elietnai'ok napaqta'a ketlhengkap ma'a, kolhva koka apkelietnai'avek napaqta'a ketlhengkap ma'a.

1 Pedro 2:25

Apkellomaka lhta ketlhengkap malha nepkesek apketlheneiam la'a, kolhva koka apkelelpengkammakpek akieto m'a apnakha apkelanekama nepkesek apto aptaqmelkeskama m'a.