Lucas 15:24 - Nuevo Testamento Toba Maskoy

²⁴ Ngkanek apvaktaniek eietka malha apketsepma lhta aptemak, kolhva koka aphalhnankok mokhom, malha aplheneiam alhta nhan aptemak, kolhva koka asvetakhek mokhom", lhnak aptemak apiapom ma'a. Ka apkelempai'o lhnak apkellanekhak apkeltakha aktaqmelaikama lhma' ankok ma'a.

Lucas 15:24 Iomraidhean Croise

Marcos 8:22

Netamen apkelvekho lhnak na temma Betsaida, apkeliantemekho lhnak metka apaqto'ok apnakha Jesús. Apkellapiosemmakpek nak apkeleltemo emangvomok Jesús ma'a.

Lucas 10:19

Askellangke lhta ko'o apkelmopvanka'a ketlhengkap kakpota elteianmangkok menasma kakpota nhan iettaha', kakpota apvanka'ak eltemeskasekhak koneng apkellammelhma, mangkolhek hata aktakha ketlhengkap.

Lucas 15:23

kakpota nhan eliantengvakhak vakka atkok akmelai'a aspokkanma lhta, ennahap hata nhan kakpota angellanangkok akiavai'a aktaqmelaikama lhma.

Lucas 15:25

Apetma lhnoka aplomaka mokhom aniep apmakmekama, netamen aptaqhemo lhnak apnemakha. Neksa aplhengama lhnak aplengai'o akpaivoma iompat aktaqmelaikama lhma m'a,

Lucas 15:32

Koka ntasek na angellanak aktaqmelaikama lhma, nkolpaihekhak na engvalho'ok apvaktaniek apialheng. Malha lhta apketsepma aptemak ma'a, aphalhnankok koka nelvetakhak mokhom, malha alhta aplheneiam na aptemak, koka nelvetakhek mokhom" lhna aptemak apiapom ma'a.

Lucas 15:4

—Apiangko la 100 nepkesek enenlhet, netamen elhnanmok kelha lhema aphapak apketkok. ¿Have nlho niapak elieniekhak sekhek 99 nepkesek ma'a kakpota eliangvakhak lhema lhkek aplheneiam nepkesek apketkok, he?

Lucas 19:10

Apva'ak Enenlhet Apketka nak apkelketansema kanhan elvongkesek tep apkellelto nak apketlheneiam —lhna aptemak Jesús.

Lucas 9:60

Ka apkatemmoiangka lhnak Jesús ma'a: —Ellangko apkeletsepma elkatonnek apkeletsepmo lheme nak, koka lheiap emhamok ma'a epaieskam hata ania'a aktemakha aptema apveske Eniapom Neten —lhna aptemak.

Juan 11:25

Ka apkatemmongka lhta mokhom Jesús, lhta aptak: —Ko'o asto nak asnaklhatekhaskeiam enenlhet apieseksek apkenmaskengvaiakmo, askellaikamok na aliennaktema apnenio'ok. Apkellelto la mangheliaskeiam enenlhet, nkaqhok eletsepok, elloka koka mokhom ma'a.

Juan 5:21

Eniapom anak apnaklhatekhaskakmek apkenmaskengvaiakmo nak, Apketka nhan ma'a apkellangkek aliennaktema apnenio'ok apkenmak'akha la ellangkok enenlhet.

Romanos 11:15

Apkenmangkek takha Eniapom Neten metnangko judios aniem'o apkeltaqnongvekha judios apankave nak. Netamen hata m'a apkenmokho la takha Eniapom Neten judios apankave nak, neten ankek hata ngkotnek altakmalveiam apkellangiemhaikama aplhamakho enenlhet'avok lhmankek ham, ngkolhek hata nhan aknaqlhatekhaskakmo mokhom apieseksek apkenmaskengvaiakmo.

Romanos 12:15

Kolpaihekho ta lhemek apvalho'ok apkellelto la alpaihekha apvalho'ok, eliapqalh hata nhan lheme' apkellelto la apiapqalhema.

Romanos 6:11

Kotlheng apkelvalho'ok ketlhengkap malha apkeletsepmo lhemek Cristo, ka nkeniemai'ak mankollapvankek mokhom eltemengvakho lhma. Vanlha koka apvanka'ak ellanangkok akleklemelha la apvalhok Eniapom Neten aniem'o apkelpasmekha m'a Cristo Jesús.

Romanos 6:13

Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

Romanos 8:2

ngkanek ley Espíritu nak hengelpaqnengkasekha akmovana ley ankok ngkollatsekama ka nhan nengetsepma nak, hengellaiangko nhan neliennaktema aniem'o m'a Cristo Jesús.

1 Corintios 12:26

Ka aklengangko la akmaska lhema m'a aknaiangko nak neniokha, nsavhakhavek na anmaska aknaiangko nak ma'a neniokha. Koka aktakmelakho la m'a lhema aknaiangko nak neniokha lhkek, nsavhakhavek na alpaihekha av'alho'ok ma'a aknaiangko nak neniokha.

Efesios 2:1

Malha apkeletsepma lhta ntemak ketlhengkap aniem'o meleliehekho apkellaskamakha Eniapom Neten, qaselha ngkollatsekama apkellanekamok ma'a.

Efesios 2:5

Niekhe lhta malha nengeletsepma' aniem'o nellanekamok ngkollatsekama, hengellaiangkek koka nentaikamok enhalhnanko'ok ka aptemo lhta nhan apkelanei'o Cristo. Hengelvongkeskangkek na tep Eniapom Neten aniem'o aktaqmanma nkek hengellanei'o.

Efesios 5:14

Ka nkanek nemo nak aktemo henke'e: «Elhatakha lheiap apto apteianma, etnemekha neten apieseksek apkenmaskengvaiakmo kakpota eniapommetek hata takhaplhet Cristo», lhna nnema aktema m'a.

Colosenses 2:13

Lhennenga lhta nhan ketlhengkap malha apkeletsepma lhta ntemak aniem'o meliamolhma, aniem'o nhan metka nhan nema aliaqtemanma nekhatkok apiempeiok meliamolhma nak, kolhva koka apkellangkek Eniapom Neten aliennaktema apnenio'ok lheme Cristo, kakpota nhan etneskesama apankek lhamakho apkeltemakha ngkollatsekama aniem'o apkelpasmekha Cristo.

1 Timoteo 5:6

Koka lhentampe la aklhengkeskama akiaspongkomakha nkek av'alhok ankek, malha nha ntak atsepma la m'a.

Judas 1:12

Henmankaskama ankek ma'a apkellanekamok anak qaselha ngkollatsekama neksa apkelpasmekha ketlhengkap ma'a aktaqmelaikama lhma apanko'ok anak ma'a akvesai'a nentaiangkolha nenlhelhma ankok anak. Mamma apkellai'akha la'a aptavengko la aptekamok, vanlha aptengiaikamo mota apanko'ok apankavek. Malha nhan aptangkok ma'a iephopai'a la metka akmamai'a aksenta, nsavke mota alhkaiam ma'a akmak'akha la nkosvok. Malha nha kto nak iamet metka akielhna neksa akvekha aknem akielhnemakha nak, nkolhek na al·hatsoso aikapmenok, nkotsepok akiokho nkek ma'a.

Apocalipsis 3:1

—Etalhes no mokhom lheiap ania'a kakpota eniapaskesek ma'a ángel apno m'a iglesia akieto Sardis, ka ntak ania'a hengke'e: Apto akietnema 7 espíritus aniem'o m'a Eniapom Neten kanhan 7 iav'a, ka aptak na m'a: "Asiave ko'o lhamakho aktemakha apkelanai'a lheiap, apketlheianme mota enenlhet'avok aphalhnankok mokhom lheiap, koka have m'a, apketsepma niekhe lheiap.